Þvörusleikir er fjórði jólasveinninn sem kemur til byggða. Hann var mjór eins og girðingarstaur og þótti best að sleikja þvörur sem notaðar voru til að hræra í pottum.

Í ljóðinu Jólasveinarnir eftir Jóhannes úr Kötlum segir:

• Sá fjórði, Þvörusleikir,
• var fjarskalega mjór.
• Og ósköp varð hann glaður,
• þegar eldabuskan fór.
• 
  
  
• Þá þaut hann eins og elding
• og þvöruna greip,
• og hélt með báðum höndum,
• því hún var stundum sleip.

Kvæði Jóhannesar úr Kötlum er birt með góðfúslegu leyfi Svans Jóhannessonar. Nánar má lesa um skáldið á vefnum johannes.is.

Hér fyrir neðan syngur Þvörusleikir lagið Jólasveinar ganga um gólf í gömlu myndbandi frá Jolasveinarnir.is.