Ástralskur karlmaður sem er ákærður fyrir að hafa skotið 51 til bana og sært fjörutíu til viðbótar í Christchurch á Nýja-Sjálandi lýsti yfir sakleysi þegar mál hans var tekið fyrir í dag. Ekki verður réttað yfir manninum fyrr en á næsta ári.
Maðurinn neitaði sök af öllum ákæruliðum. Hann er ákærður fyrir 51 morð, 40 tilraunir til manndráps og hryðjuverk. Morðin framdi hann í tveimur moskum í nýsjálensku borginni á meðan föstudagsbænir stóðu yfir 15. mars. Þau eru þau verstu á friðartímum á Nýja-Sjálandi.
Dómarinn í málinu sagði að réttarhöldin hæfust 4. maí á næsta ári. Maðurinn verður í varðhaldi að minnsta kosti þar til mál hans verður tekið fyrir aftur um miðjan ágúst, að sögn breska ríkisútvarpsins BBC. Honum er nú haldið í einangrun í hámarksöryggisfangelsi í Auckland.
Árásarmaðurinn, sem dvaldi meðal annars á Íslandi í tíu daga, sendi beint út frá árásinni á Facebook-síðu sinni.
Árásarmaðurinn í Christchurch segist saklaus
Tengdar fréttir
Hryðjuverkamaðurinn í Christchurch dvaldi á Íslandi í tíu daga
Brenton Tarrant var einn á ferð hér á landi.
Árásarmaðurinn í Christchurch ákærður fyrir hryðjuverk
Maðurinn sem sakaður er um að hafa orðið 51 að bana í árás á bænahús múslima í Christchurch á Nýja-Sjálandi í mars hefur verið ákærður fyrir hryðjuverk.
Breyta Facebook Live vegna árásanna í Christchurch
Facebook hefur gert breytingar á Facebook Live til að reyna að draga úr því að þjónusta fyrirtækisins sé notuð til að "valda skaða eða dreifa hatri“.
Fleiri fréttir
