Veiðin að lagast í Langá Karl Lúðvíksson skrifar 29. ágúst 2019 10:00 Það hefur lifnað yfir veiðinni í Langá síðustu daga. Mynd: KL Langá á Mýrum var ein af þeim ám sem fór mjög illa út úr þurrkunum í sumar en rigning síðustu daga hefur heldur betur lagað ástandið í ánni. Langá er núna komin í gullfallegt haustvatn og það sem meira er, laxinn er farinn að dreifa sér og taka mun betur. Fyrstu þrjár vaktirnar eftir úrhellið voru að vísu erfiðar þar sem áin fór í gráma og það var mikið slýrek sem gerði veiðimönnum lífið leitt. Það kláraðist sem betur fer í fyrrakvöld og strax í gærmorgun var greinilegt að það lifnaði vel yfir tökunni. Gærdagurinn gaf 23 laxa og var morgunveiðin þar af 17 laxar. Laxinn er farinn að dreifa sér betur um ánna en eins og þeir sem hafa heimsótt Langá í sumar muna lá mikið af laxi í tveimur veiðistöðum sem hafa samanlagt gefið um þriðjung af veiðinni í sumar. Núna er lax farinn að sjást í flestum hefðbundnum veiðistöðum í ánni miðað við árstíma og það er ennþá góð von um að veiðitölur eigi eftir að lagast mikið ef aðstæður restina af tímabilinu haldast góðar. Það hefur að sama skapi vakið athygli að sjá nokkuð af nýgengnum og björtum laxi í ánni í bland við legna fiska. Mest lesið Stöðug sjóbleikjuveiði í Hvalvatnsfirði Veiði Meira af tölfræði í Eystri Rangá 2020 Veiði Gæsaveiðin gengur vel Veiði Lokatölur úr flestum ánum komnar í hús Veiði Vantar um 1000 laxa miðað við sama tíma í fyrra Veiði Hofsá ein af dómkirkjum stangveiðinnar Veiði Tafir á smíði veiðihúss við Miðá Veiði Þegar veðrið breytir öllu í veiði Veiði Eystri Rangá aflahæst laxveiðiánna Veiði 60-80 laxar á dag úr Eystri Rangá Veiði
Langá á Mýrum var ein af þeim ám sem fór mjög illa út úr þurrkunum í sumar en rigning síðustu daga hefur heldur betur lagað ástandið í ánni. Langá er núna komin í gullfallegt haustvatn og það sem meira er, laxinn er farinn að dreifa sér og taka mun betur. Fyrstu þrjár vaktirnar eftir úrhellið voru að vísu erfiðar þar sem áin fór í gráma og það var mikið slýrek sem gerði veiðimönnum lífið leitt. Það kláraðist sem betur fer í fyrrakvöld og strax í gærmorgun var greinilegt að það lifnaði vel yfir tökunni. Gærdagurinn gaf 23 laxa og var morgunveiðin þar af 17 laxar. Laxinn er farinn að dreifa sér betur um ánna en eins og þeir sem hafa heimsótt Langá í sumar muna lá mikið af laxi í tveimur veiðistöðum sem hafa samanlagt gefið um þriðjung af veiðinni í sumar. Núna er lax farinn að sjást í flestum hefðbundnum veiðistöðum í ánni miðað við árstíma og það er ennþá góð von um að veiðitölur eigi eftir að lagast mikið ef aðstæður restina af tímabilinu haldast góðar. Það hefur að sama skapi vakið athygli að sjá nokkuð af nýgengnum og björtum laxi í ánni í bland við legna fiska.
Mest lesið Stöðug sjóbleikjuveiði í Hvalvatnsfirði Veiði Meira af tölfræði í Eystri Rangá 2020 Veiði Gæsaveiðin gengur vel Veiði Lokatölur úr flestum ánum komnar í hús Veiði Vantar um 1000 laxa miðað við sama tíma í fyrra Veiði Hofsá ein af dómkirkjum stangveiðinnar Veiði Tafir á smíði veiðihúss við Miðá Veiði Þegar veðrið breytir öllu í veiði Veiði Eystri Rangá aflahæst laxveiðiánna Veiði 60-80 laxar á dag úr Eystri Rangá Veiði