Viðskipti innlent

Enn eitt áfallið fyrir fjárfestinn sem vill leggja sæstreng til Íslands

Tryggvi Páll Tryggvason skrifar
Edi Truell var á árum áður ráðgjafi Boris Johnson, forsætisráðherra Bretlands, þegar hinn síðarnefndi var borgarstjóri Lundúna.
Edi Truell var á árum áður ráðgjafi Boris Johnson, forsætisráðherra Bretlands, þegar hinn síðarnefndi var borgarstjóri Lundúna. Skjáskot/Youtube

Það gengur illa hjá breska fjárfestinum Edi Truell að fá stjórnvöld í Bretlandi til að greiða götu sæstrengsverkefnis hans. Truell vill leggja sæstreng frá Íslandi til Bretlands. Breska blaðið Sunday Times greinir frá því að núverandi viðskipta og orkumálaráðherrar Bretlands hafi efasemdir um verkefnið, líkt og forverar þeirra.

Í maí var sagt frá því að Truell hafi krafist þess að yfirvöld í Bretlandi skilgreini fyrirtækið Atlantic Superconnection sem erlendan raforkuframleiðanda og samþykki lagningu sæstrengs til Íslands. Skilgreiningin myndi gera fyrirtækinu kleift að selja raforku á niðurgreiddu verði og mun það vera stór þáttur í því að Truell geti fengið fjárfesta að verkefninu, sem kallast IceLink.

Þrýsti Truell mjög á stjórnvöld að greiða götu verkefnisins en auk sæstrengsins hefur Truell í hyggju að reisa verksmiðju á Englandi í tengslum við verkefnið sem myndi skapa 800 störf.

Sæstrengurinn yrði mögulega sá lengsti í heimi og færi á milli meginlands Englands og Íslands. Google Maps

Í september var sagt frá því að Truell hafi hótað því að hætta við að reisa verksmiðjuna á Englandi, fengi hann ekki stuðning breskra stjórnvalda. Þýsk stjórnvöld hefðu mikinn áhuga á verksmiðjunni og til stæði að reisa hana þar, nema bresk yfirvöld greiddu götu verkefnisins.

Í frétt Sunday Times sem birtist í gær er enn fjallað um málið og segir þar að sæstrengsdraumar Truell séu orðnir „rafmagnslausir“. Þar segir að Andrea Leadsom, viðskiptaráðherra Bretlands, og Kwasi Kwarteng, orkumálaráðherra Bretlands, hafi lýst yfir efasemdum um fýsileika verkefnisins, áður en boðað var til kosninga í Bretlandi.

Sagður hafa „aðra hluti til þess að eyða tímanum í“

Þá segir einnig í frétt Times að forverar þeirra á ráðherrastóli, Greg Clark og Claire Perry, hafi áður hafnað tillögu Truell. Það hafi leitt til þess að Truell hafi hótað því að kvarta formlega yfir málsmeðferð málsins.

Í Times er þó haft eftir honum að hann hafi „aðra hluti til þess að eyða tímanum í“ án þess þó að það sé skýrt nánar. Þá hefur Times einnig eftir heimildarmanni sínum innan viðskiptaráðuneytisins að engin formleg umsókn hafi borist vegna málsins og því sé ráðuneytið ekki í aðstöðu til að taka afstöðu til málsins.

Truell var á árum áður ráðgjafi Boris Johnson, núverandi forsætisráðherra Bretlands, auk þess sem að hann hefur stutt Íhaldsflokkinn fjárhagslega.

Hann virðist vera mjög áhugasamur um orkumál á Íslandi en á síðasta ári var greint frá því að svissneskt fjárfestingafélag Truell, DC Renewable Energy AG, hefði keypti 12,7 prósent hlut í HS Orku. Kaupin gengu þó ekki í gegn þar sem Truell tókst ekki að ljúka fjármögnun vegna þeirra. Samlagshlutafélagið Jarðvarmi, sem er í eigu fjórtán lífeyrissjóða, keypti þess í stað hlutinn í apríl á þessu ári.


Tengdar fréttir

Times fjallar enn um sæstrengsáhuga Bretans

Breski fjárfestirinn Edi Truell, sem vinnur að því að koma á fót sæstreng á milli Bretlands og Íslands, er í frétt breska blaðsins The Times í gær enn sagður þrýsta á bresk yfirvöld um að stjórnvöld þar í landi greiði götu verkefnisins.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
2,84
50
304.659
BRIM
0,9
4
13.951
REITIR
0,54
6
97.741
EIM
0,53
3
22.430
MAREL
0,49
15
329.308

Mesta lækkun dagsins


Félag
Br.%
Fjöldi
Velta*
ORIGO
-1,82
5
37.198
KVIKA
-1,49
6
94.217
ICESEA
-0,92
5
8.654
SYN
-0,91
3
26.200
HEIMA
-0,86
4
3.247
Velkomin á Vísi. Þessi vefur notar vafrakökur. Sjá nánar.