Viðskipti innlent

Times fjallar enn um sæstrengsáhuga Bretans

Tryggvi Páll Tryggvason skrifar
Bretinn Edi Truell virðist vera mjög áhugasamur um lagningu sæstrengs á milli Bretlands og íslands.
Bretinn Edi Truell virðist vera mjög áhugasamur um lagningu sæstrengs á milli Bretlands og íslands. Vísir/Vilhelm/Skjáskot
Breski fjárfestirinn Edi Truell, sem vinnur að því að koma á fót sæstreng á milli Bretlands og Íslands, er í frétt breska blaðsins The Times í gær enn sagður þrýsta á bresk yfirvöld um að stjórnvöld þar í landi greiði götu verkefnisins.

Í vor var greint frá því að Truell hafi krafist þess að yfirvöld í Bretlandi skilgreini fyrirtækið Atlantic Superconnection sem erlendan raforkuframleiðanda og samþykki lagningu sæstrengs til Íslands. Skilgreiningin myndi gera fyrirtækinu kleift að selja raforku á niðurgreiddu verði og mun það vera stór þáttur í því að Truell geti fengið fjárfesta að verkefninu, sem kallast IceLink.

Sjá einnig: Breskur fjárfestir leitar á náðir ríkisins vegna sæstrengs til Íslands

Ífrétt Times sem birtist í gærer Truell sagður hafa fundað með embættismönnum í Bretlandi vegna málsins þar sem hann leitaði eftir fullvissu um að breska ríkið myndi tryggja slíka niðurgreiðslu. Í fréttinni kemur ekkert fram um hver afstaða breskra yfirvalda sé til verkefnisins.



Fyrrverandi ráðgjafi forsætisráðherra Bretlands

Í frétt Times kemur einnig fram að Truell hafi á árum áður verið ráðgjafi Boris Johnson, forsætisráðherra Bretlands, þegar hinn síðarnefndi var borgarstjóri Lundúna.

Sæstrengurinn yrði mögulega sá lengsti í heimi og færi á milli meginlands Englands og Íslands.Google Maps
Truell sagði í vor að búið væri að tryggja vilyrði fjárfesta fyrir 2,5 milljörðum punda, jafnvirði um 400 milljarða króna, til þess að fjármagna verkefnið, fái það grænt ljós.

Sjá einnig: „Átök hafa alltaf verið hluti af Sjálfstæðisflokknum“

Í því felst meðal annars lagning á um 1.600 kílómetra löngum sæstreng frá Bretlandi til Íslands og telur Truell að verkefnið geti skapað um 800 störf í Bretlandi.

Sæstrengsmál hafa mikið verið í umræðunni á Íslandi að undanförnu vegna þriðja orkupakkans svokallaða sem verður til umræðu á Alþingi í vikunni. Andstæðingar hans vilja meina að með samþykkt hans muni íslensk yfirvöld hafa minna um það að segja hvort hingað verði lagði sæstrengur eða ekki. Sérfræðingar hafa hins vegar bent á að ekkert sé í þriðja orkupakkanum sem feli í sér kvaðir um lagningu sæstrengs.

Sjá einnig: Segir fjarstæðukennt að halda því fram að höfðað verði skaðabótamál gegn íslenska ríkinu

Í haust var greint frá því að svissneskt fjárfestingafélag Truell, DC Renewable Energy AG, hefði keypti 12,7 prósent hlut í HS Orku. Kaupin gengu þó ekki í gegn þar sem Truell tókst ekki að ljúka fjármögnun vegna þeirra. Samlagshlutafélagið Jarðvarmi, sem er í eigu fjórtán lífeyrissjóða, keypti þess í stað hlutinn í apríl á þessu ári.


Tengdar fréttir

Greiðir yfir níu milljarða fyrir hlutinn í HS Orku

Svissneska fjárfestingarfélagið DC Renewable Energy AG, sem er í eigu Bretans Edmunds Truell sem hefur lengi unnið að því að koma á sæstreng á milli Íslands og Bretlands, greiðir allt að rúmlega níu milljarða króna fyrir 12,7 prósenta hlut í HS Orku.






Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
EIK
1,32
1
100
EIM
1,09
3
7.421
SJOVA
0,61
1
100
ISB
0,42
330
941.586
ORIGO
0,4
1
200

Mesta lækkun dagsins


Félag
Br.%
Fjöldi
Velta*
SVN
-0,48
12
8.476
SIMINN
-0,47
6
129.424
BRIM
-0,36
1
100
HAGA
-0,33
6
117.114
REITIR
-0,29
3
3.759
Velkomin á Vísi. Þessi vefur notar vafrakökur. Sjá nánar.