Þrettándi desember er runninn upp og því ellefu dagar til jóla. Á sjónvarps- og útvarpsvef Vísis má finna fjölmörg hugljúf jólalög sem margir af okkar fremstu listamönnum hafa tekið í gegnum tíðina.

Vísir ætlar að telja niður til jóla með fallegu jólalagi úr safni sínu á hverjum degi.

Í dag býður Vísir upp á flutning Ragga Bjarna og Þorgeirs Ástvaldssonar, af mörgum þekktur sem Toggi Tempó, á laginu Er líða fer að jólum.

Lagið var tekið upp fyrir Jólalistann á Stöð 2 í desember 2011.