Fótbolti

Forsetinn þreyttur á Balotelli og er tilbúinn að láta hann fara frítt

Anton Ingi Leifsson skrifar
Balotelli og forsetinn
Balotelli og forsetinn vísir/getty

Mario Balotelli getur yfirgefið Brescia frítt í janúarglugganum þar sem leikur hans hentar ekki liði í fallbaráttu. Svo segir forseti félagsins, Massimo Cellino.

Fyrrum framherji Manchester City og Liverpool hefur ekki náð að finna sitt besta form eftir að hafa skrifað undir samning við ítalska félagið í ágúst.

Hann hefur einungis skorað tvö mörk í átta deildarleikjum og hótaði hann að ganga af velli eftir að orðið fyrir rasisma í leik gegn Hellas Verona í síðasta mánuði.





„Mario er leiður því hann fær ekki að spila. Að berjast fyrir sæti sínu í Seriu A og þú verður að færa miklar fórnir. Kannski hélt hann að þetta væri auðveldara,“ sagði Cellino við Le lene.

„Í janúar getur hann farið frítt. Á þessu augnabliki verður hann að velja hvaða vegferð er best fyrir hann,“ sagði forsetinn.

Forsetinn hefur ekki legið á skoðunum sínum hvað varðar Balotelli og var hann spurður í þættinum hvort að þetta væri rasismi gagnvart Balotelli.

„Rasisti? Ég er kaþólskur, ég get ekki verið rasisti,“ sagði Cellino.

Brescia er á botni deildarinnar með sjö stig og er fimm stigum frá öruggu sæti.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.