Lífið

„Ástarsorg er viðbjóður“

Stefán Árni Pálsson skrifar
Lína Birgitta er aldrei feimin við það að opna sig um tilfinningar sínar.
Lína Birgitta er aldrei feimin við það að opna sig um tilfinningar sínar. vísir/vilhelm
Lína Birgitta Camilla Sigurðardóttir hefur komið víða við síðastliðin ár en hún sló fyrst í gegn á bloggsíðu sinni og síðar meir á sínum samfélagsmiðlum. Hún þykir klókur tískuráðgjafi og tjáir sig einna helst um föt og tísku á þeim vettvangi. Lína er gestur vikunnar í Einkalífinu en í þættinum kemur  hún víða við.



Það fylgir því að vera opinber persónu eins og Lína að stór hluti af þjóðinni fylgist vel með einkalífi hennar. Hún hefur verið í sambandi með þjóðþekktum mönnum undanfarin ár og tekur það stundum á.



„Ég man síðast eða þarsíðast þegar ég kom úr sambandi þá sagði ég við sjálfan mig, guð ég ætla ekki í samband á næstunni og næst þegar ég verð með einhverjum verður það ekki með opinberum einstaklingi,“ segir Lína létt og bætir því við að auðvitað skipti það nú engu máli.



Lína hætti í sambandi með manni fyrir ekki svo löngu og segir hún að ástarsorg almennt sé mjög erfið viðureignar.

„Ég hef einu sinni, til tvisar virkilega fundið fyrir því. Þetta er ógeðslega vont en það skiptir svo miklu máli að maður má ekki glata sjálfum sér,“ segir Lína sem fékk einu sinni gott ráð frá föður vinkonu sinnar.



„Maður á bara að hugsa, mun þetta hafa áhrif á þig eftir tólf mánuði, og ef svarið er nei þá ætti manni strax að líða aðeins betur. Maður þarf samt alltaf að gefa sér tíma til að syrgja og leyfa sér að líða illa. Ef maður þarf að gráta, þá bara koma því bara öllu út. Ég er mjög góð að gera það. Ég er með svona leynihring sem ég keyri, ég elska nefnilega að gráta í bílnum. Þegar mér líður illa keyri ég alltaf þennan hring og er bara hágrátandi, öskra jafnvel en það skiptir rosalega miklu máli að losa þetta út,“ segir Lína sem er opin manneskja og talar mikið um tilfinningar sínar.



„En ástarsorg er viðbjóður, hún er það. Þú sérð einhvern veginn ekki fram á við strax. Þá hugsar maður bara um þessa tólf mánuði og svo verður þetta að minningu sem fjarar út. Eins pirrandi og það hljómar þá læknar tíminn öll sár.“



Í þættinum ræðir Lína einnig um baráttu sína við búlimíu og kaupfíkn, um líkamsímynd kvenna á samfélagsmiðlum, um slúðrir sem hún hefur mátt eiga við í gegnum tíðina, um nýjan sjónvarpsþátt sem hún fer af stað með á næstunni, um tónlistarferilinn og fatalínu sína.


Tengdar fréttir

Segir fósturmissinn hafa verið rosalega mikinn skell

Eva Ruza Miljevic er gestur vikunnar í Einkalífinu en hún er án efa ein hressasta og skemmtilega kona landsins. Hún hefur slegið í gegn á samfélagsmiðlum og starfar í dag sem blómasali, veislustjóri og kynnir og er að byrja með sinn eigin sjónvarpsþátt. Hún er gift Sigurði Þór Þórssyni og hafa þau verið saman í um tuttugu ár.

Lygilegar bransasögur með Steinda

Steinþór Hróar Steinþórsson, betur þekktur sem Steindi Jr., hefur heillað þjóðina með gríni síðastliðinn áratug. Steindi er gestur vikunnar í Einkalífinu.

Enginn beðið mig afsökunar

"Þú þarft ekki að svara þessu en ég vildi bara segja þér að ég er ekki að fara kjósa þig. Ég ekki að reyna vera dónaleg en mér finnst bara kjánalegt að þú sért að taka þátt í keppni fyrir íslenskar stelpur!“

Skilnaðurinn styrkti sambandið

Frosti Logason hefur starfað á X-inu í tuttugu ár eða frá árinu 1999. Hann sló í gegn í rokksveitinni Mínus á sínum tíma og er að gera góða hluti í Íslandi í dag á Stöð 2 um þessar mundir. Frosti er gestur vikunnar í Einkalífinu.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.