Viðskipti innlent

Arion kaupir sprota úr eigin hraðli

Stefán Ó. Jónsson skrifar
Vignir Már Lýðsson, framkvæmdastjóri Leiguskjóls.
Vignir Már Lýðsson, framkvæmdastjóri Leiguskjóls. arion

Arion banki hefur keypt 51 prósent hlut í fjártæknifyrirtækinu Leiguskjóli, sem tók þátt í viðskiptahraðli Arion banka í fyrrasumar. Fyrirtækið mun bjóða húsaleiguábyrgðir frá bankanum en þær koma í stað hefðbundinna trygginga sem leigjendum er gert að leggja fram.

Ætlun Arion og Leiguskjóls er að samstarf þeirra muni auðvelda aðgengi að leigumarkaði - „auk þess sem lagaleg staða bæði leigutaka og leigusala verður tryggari,“ eins og það er orðað í orðsendingu Arion um fjárfestinguna. Þar er kaupverðið ekki gefið upp.

Bankastjóri Arion lætur hafa eftir sér að fjárfestingin sé liður í aukinni áherslu bankans á stafræna þróun og samstarf við fjártæknifyrirtæki. Slíkt samstarf sé til þess fallið að auka þekkingu bankans, ekki síst varðandi eftirlitsskyldar vörur og þjónustu.

„Samstarfið við Leiguskjól [er] gott dæmi um slíkt,“ segir Benedikt Gíslason bankastjóri. „Hér horfum við til þess að leigumarkaðurinn hefur vaxið mikið á undanförnum árum. Því er mikilvægt að þjónusta við leigjendur aukist og að fleirum sé gert kleift með auðveldari hætti að fara inn á þann markað.“

Framkvæmdastjóri Leiguskjóls, Vignir Már Lýðsson, segir í sömu orðsendingu að mörg tækifæri felist í kaupum Arion banka á meirihluta í þessu unga fjártæknifyrirtæki. „Með samstarfi við traustan aðila á borð við bankann gefst félaginu kostur á að koma fleiri hugmyndum tengdum fjármögnun á fót og bæta þjónustu við viðskiptavini.”



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
2,97
21
102.289
FESTI
2,84
16
385.019
MAREL
2,39
26
506.488
BRIM
2,37
6
62.304
VIS
2,13
17
431.999

Mesta lækkun dagsins


Félag
Br.%
Fjöldi
Velta*
EIM
-1,37
2
27.000
ARION
-1,24
25
330.100
LEQ
-0,92
4
131.254
SYN
-0,27
1
2.092
Velkomin á Vísi. Þessi vefur notar vafrakökur. Sjá nánar.