Viðskipti erlent

Rúðubrot skyggði á pallbílakynningu Tesla

Stefán Ó. Jónsson skrifar
Elon Musk drekkur í sig fagnaðarlætin eftir að Cybertruck var afhjúpaður.
Elon Musk drekkur í sig fagnaðarlætin eftir að Cybertruck var afhjúpaður. Getty/ FREDERIC J. BROWN

Elon Musk, stofnandi rafbílaframleiðandans Tesla, kynnti í gærkvöldi nýjan pallbíl fyrirtækisins, þar sem óvenjulegt útlit hans og vandræðalegt rúðubrot þykja hafa stolið senunni.

Bíllinn ber heitið Cybertruck, er rafdrifinn og klæddur með ryðfríu stáli. „Líkist helst brynvörðum framtíðarbíl,“ eins og greinandi Guardian kemst að orði. Pallbílar eru mest seldu bílarnir í Norður-Ameríku og er Cybertruck fyrsta tilraun Tesla til að hasla sér völl á þeim markaði.



„Við þurfum endurnýjanlega orkugjafa núna,“ sagði Musk í gær. „Þrír mest seldu bílar í Bandaríkjunum eru pallbílar og til þess að koma endurnýjanlegri orku á koppinn þá þurfum við pallbíl.“

Ef marka má kynninguna í gær þá á ódýrasta útgáfa Cybertruck að vera sex sæta og um 6 sekúndur að ná 100 kílómetra hraða, með rúmlega 3,5 tonna dráttargetu og næstum 1600 kílóa burðargetu. Hann er afturhjóladrifinn og á að geta komist rúmlega 400 kílómetra á einni hleðslu. Ódýrasta útgáfan kostar frá 39,900 bandaríkjadölum, tæplega 5 milljónum króna á gengi dagsins í dag, og er forsalan þegar hafin.

Musk áætlar að afhending bílanna geti farið fram árið 2021 en sérfræðingar taka þeirri tímasetningu með fyrirvara. Tesla hafi áður átt erfitt með að standa við loforð í þessum efnum.

Cybertruck á ferð og flugi. Tesla

Kynningu gærkvöldsins verður þó án efa minnst fyrir heldur vandræðlega tilraun til að sýna fram á höggþol bílsins. Eftir að hafa barið hurð hans með sleggju, án þess að nokkuð sæist á henni, var komið að rúðum bílsins. Aðstoðarmaður Musk gerði sér lítið fyrir og braut báðar rúðurnar sem hann prófaði, eftir yfirlýsingar um að þær væru óbrjótanlegar.

„Guð minn fokking góður,“ sagði Musk. „Þetta þýðir víst bara að það sé svigrúm til bætinga.“

Samantekt tækniritsins The Verge af fundi gærkvöldsins má sjá hér að neðan. Nánari upplýsingar um Cybertruck má nálgast á vef Tesla.


Tengdar fréttir

Tesla kynnir pallbíl

Elon Musk, framkvæmdastjóri bandaríksa rafbílaframleiðandas Tesla hefur sagt að pallbíll verði kynntur 21. nóvember næstkomandi. Pallbíllinn hefur fengið vinnuheitið Cybertruck.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
2,84
50
304.659
BRIM
0,9
4
13.951
REITIR
0,54
6
97.741
EIM
0,53
3
22.430
MAREL
0,49
15
329.308

Mesta lækkun dagsins


Félag
Br.%
Fjöldi
Velta*
ORIGO
-1,82
5
37.198
KVIKA
-1,49
6
94.217
ICESEA
-0,92
5
8.654
SYN
-0,91
3
26.200
HEIMA
-0,86
4
3.247
Velkomin á Vísi. Þessi vefur notar vafrakökur. Sjá nánar.