Fótbolti

Rekinn eftir 27-0 sigur

Ástrós Ýr Eggertsdóttir skrifar
Myndin tengist fréttinni ekki beint
Myndin tengist fréttinni ekki beint vísir/getty

Þjálfari yngri flokka liðs á Ítalíu var rekinn eftir að hafa unnið 27-0 sigur.

Undir 18 ára lið Invictasauro mætti Marina Calcio í gær og fór svo að Invictasauro valtaði yfir andstæðinga sína.

Oftast er stórsigrum fagnað, en ekki í þetta skiptið því þjálfari liðsins, Massimiliano Riccini, var rekinn í kjölfarið.

Ástæðan var að forseta félagsins fannst svo stór sigur vera vanvirðing við andstæðinginn.

Marina Calcio var í miklum meiðslavandræðum fyrir leikinn og þurfti að stilla upp útivallarleikmanni í marki. Yfirmaður íþróttamála hjá Calcio kvartaði yfir því að Invictasauro hefði sýnt óvirðingu.

„Við erum orðlaus eftir að hafa heyrt að unglingalið okkar hafi unnið Marina Calcio 27-0 og sjáum mjög eftir þeim úrslitum,“ sagði forseti Invictasauro í tilkynnigu.

„Það á alltaf að sýna andstæðingnum virðingu og það gerðist ekki í dag. Sem forseti þá biðst ég afsöknar og tilkynni að forráðamenn félagsins ákváðu einróma að reka Riccini þjálfara.“



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.