Viðskipti innlent

Náði ekki sama árangri með samstarfi við afreksíþróttafólk

Sylvía Rut Sigfúsdóttir skrifar
Svavar Jóhannsson framkvæmdastjóri Fitness Sport styrkir ekki lengur afreksíþróttafólk og velur frekar lífsstílssnappara.
Svavar Jóhannsson framkvæmdastjóri Fitness Sport styrkir ekki lengur afreksíþróttafólk og velur frekar lífsstílssnappara. Fréttablaðið/Vilhelm

Twitter færsla Sólveigar Bergsdóttur um styrki heilsufyrirtækja til áhrifavalda hefur vakið mikla athygli síðustu daga. Sólveig segir að afreksíþróttafólk eigi erfitt með að fá styrki eftir að áhrifavaldar á samfélagsmiðlum urðu áberandi á Íslandi.

Fitness Sport er eitt af þeim fyrirtækjum sem eru í samstarfi við marga áhrifavalda á samfélagsmiðlum. Á vefsíðu þeirra má sjá marga lífsstílsbloggara, einkaþjálfara og fyrrum fegurðardrotningar.

„Við veljum þá aðila sem líkjast þeim markhópi sem við viljum koma skilaboðum til og ekki síst verður viðkomandi að passa við vöruna og vera að nota hana sjálfur. Það er ekkert hallærislegra að okkar mati en lífsstílssnappari sem er að auglýsa vöru sem allir vita að hann myndi aldrei nota sjálfur ef það væri ekki verið að borga honum fyrir það. Fólk er fljótt að sjá í gegnum svoleiðis,“ segir Svavar Jóhannsson framkvæmdarstjóri Fitness Sport í samtali við Vísi.


Mikil skekkja

Að mati Sólveigar eru heilsutengd fyrirtæki oft að veita vörustyrki sem gætu létt mjög undir með afreksíþróttafólki eins og tengt æfingafatnaði, íþróttaskóm, vítamínum, fæðubótaefnum, hollum mat eða öðru. Henni finnst eitthvað rangt við að sjá „krakka“ skrá sig sem áhrifavald og fá allt þetta upp í hendurnar á meðan íþróttafólk sitji heima, sveitt að reyna að vinna einhverja vaktavinnu til þess að komast á Evrópumót.

„Ég sat heima hjá mér að skoða stories á Instagram og var að fylgjast með stelpum, sem hafa örugglega aldrei þurft að borga 200.000 króna keppnisferð eitthvert eða landsliðsgalla eða eitthvað, taka upp gjafapoka frá Nike. Það kom bara upp smá hiti í mig, að þetta sé svona. Af hverju það er svona mikil skekkja í því að íþróttafólk þurfi að hafa svona rosalega mikið fyrir því að fá styrki þegar við erum að æfa líka 20 til 25 tíma á viku og reyna að vinna til þess að ná endum saman og til þess að borga fyrir ferðirnar okkar,“ sagði Sólveig í samtali við Vísi. 

Á meðal þeirra sem tóku undir skrif Sólveigar Bergsdóttur voru Arna Stefanía Guðmundsdóttir Norðurlanda- og Íslandsmeistari í frjálsum íþróttum, Sif Atladóttir landsliðskona í knattspyrnu og Ólympíufarinn Brynjar Jökull Guðmundsson Mynd/Aðsend

Sólveig segir að sjálf myndi hún sem íþróttakona alltaf frekar velja að nota vörur sem að annað íþróttafólk kjósi að nota, frekar en einhver áhrifavaldur. 

„Það skiptir kannski áhrifavald engu máli hvort að próteinið sem hún er að borða sé hreint eða ekki, hún er ekki að fara í lyfjapróf á næsta Evrópumóti.“

Velja aðila sem líkjast markhópnum

Svavar segir að fyrirtækið velji frekar lífsstílssnappara en afreksíþróttafólk til að vinna með, því þeirra markhópur tengi betur við þannig einstaklinga. „Við höfum frekar einblínt á lífsstílssnappara þar sem okkar markhópur er venjulegt fólk sem getur tengt við viðkomandi aðila og hans daglega líf.“
Áherslurnar voru aðrar en þetta hefur breyst síðustu ár.
„Við vorum að vinna með fleira afreksfólki áður en okkur fannst við ekki ná sama árangri með að koma skilaboðum til þeirra sem við vildum ná til.“
Svavar segir að fyrirtækið sé mjög ánægt með árangurinn í flestum tilfellum, en auðvitað virki ekki allt og stundum sjái þau eftir tvo til þrjá mánuði að viðkomandi áhrifavaldur er ekki að skila þeim árangri sem vænst var af honum „Við fylgjumst vel með því hverju hver einstakur aðili skilar í sölu en ekki síst hvort hann hefur góð áhrif á vörumerkið sjálft og ímynd þess.“ 


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
BRIM
3,27
21
451.148
EIM
3,11
16
126.639
SIMINN
1,32
11
407.136
VIS
1,23
2
17.490
SKEL
1,12
10
157.458

Mesta lækkun dagsins


Félag
Br.%
Fjöldi
Velta*
KVIKA
-1,47
11
135.730
ICESEA
-0,7
1
5.247
MAREL
-0,51
7
42.442
ICEAIR
-0,41
7
4.404
ORIGO
0
7
56.197
Velkomin á Vísi. Þessi vefur notar vafrakökur. Sjá nánar.