Viðskipti erlent

Lyfjarisar semja sig frá lögsókn vegna ópíóíðafaraldursins

Kjartan Kjartansson skrifar
Lyfjafyrirtækin voru sökuð um að bera ábyrgð á ópíóíðafaraldrinum með offramboði af lyfjunum og að hunsa merki um að verið væri að misnota þau.
Lyfjafyrirtækin voru sökuð um að bera ábyrgð á ópíóíðafaraldrinum með offramboði af lyfjunum og að hunsa merki um að verið væri að misnota þau. AP/Darron Cummings

Þrjú stór lyfjadreififyrirtæki og framleiðandi ópíóíðalyfja í Bandaríkjunum hafa fallist á að greiða um 260 milljónir dollara í sátt til að sleppa við málaferli vegna faraldurs sem hefur orðið hundruð þúsundum manna að bana þar í landi. Dómsmálið hefði orðið það fyrsta sinnar tegundar fyrir bandarískum alríkisdómstólum.

New York Times segir að samningurinn hafi verið gerður árla morguns vestanhafs og búist sé við að hann verði lagður fyrir dómara í dag. Yfirvöld í tveimur sýslum Ohio-ríkis höfðu stefnt lyfjafyrirtækjunum fjórum og átti aðalmeðferð að hefjast í dag.

Dreififyrirtækin þrjú sem eiga aðild að sáttinni eru McKesson, Cardinal Health og AmerisourceBergen auk ísraelska samheitalyfjafyrirtækisins Teva. Ísraelska fyrirtækið keypti Actavis árið 2015. Teva greiðir 20 milljónir dollara hlutdeild í sáttinni og 25 milljónir dollara til viðbótar í lyf fyrir þá sem eru háðir ópíóíðum.

Að sögn Washington Post hefðu málaferlin getað kostað fyrirtækin nær átta milljörðum dollara hefði dómari orðið við kröfum Cuyahoga- og Summit-sýslna. Sýsluyfirvöld saka fyrirtækin um að bera ábyrgð á ópíóíðafaraldrunum með því að dæla gríðarlegu magni lyfja út á markaðinn þar. Dreififyrirtækin hafi lítið gert til að koma í veg fyrir að þau væru seld á svörtum markaði. Blinduð af gróðavon hafi þau hunsað augljós varúðarmerki þegar þau fylltu pantanir.

Á þriðja þúsund borga, sýslna og ættbálka frumbyggja hafa stefnt lyfjafyrirtækjunum. Sáttin nú er sögð kaupa fyrirtækjunum tíma til að ná samkomulagi í þeim málum.

Lyfjaverslanarisinn Walgreens, sem einnig var stefnt í málum Ohio-sýslnanna, á ekki aðild að sáttinni í dag. Washington Post segir ekki ljóst hvort dómsmálið haldi áfram aðeins gegn Walgreens. Sjötti sakborningurinn í málinu hefur einnig gert sátt utan dóms.

Teva seldi verksmiðju og skrifstofuhúsnæði Actavis í Hafnarfirði í fyrra. Ísraelska fyrirtækið á enn dreififyrirtæki Medis sem áfram er rekið í Hafnarfirði.


Tengdar fréttir

Aldrei fleiri lyfjatengd andlát

Þrjátíu og níu manns dóu vegna lyfjaeitrunar í fyrra, fleiri en nokkru sinni fyrr á einu ári. Flestir létu lífið vegna morfínskyldra lyfja og eru vísbendingar um að meira sé flutt ólöglega til landsins nú en áður. Þróunin er stórhættuleg að mati lyfjateymis embættis landlæknis.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
BRIM
3,27
21
451.148
EIM
3,11
16
126.639
SIMINN
1,32
11
407.136
VIS
1,23
2
17.490
SKEL
1,12
10
157.458

Mesta lækkun dagsins


Félag
Br.%
Fjöldi
Velta*
KVIKA
-1,47
11
135.730
ICESEA
-0,7
1
5.247
MAREL
-0,51
7
42.442
ICEAIR
-0,41
7
4.404
ORIGO
0
7
56.197
Velkomin á Vísi. Þessi vefur notar vafrakökur. Sjá nánar.