Auðvelt hjá Liverpool, Håland heldur áfram að raða inn mörkum og Barcelona marði sigur í Prag

Anton Ingi Leifsson skrifar
Chamberlain fagnar fyrra marki sínu í kvöld.
Chamberlain fagnar fyrra marki sínu í kvöld. visir/getty

Liverpool er með sex stig í öðru sæti E-riðils í Meistaradeild Evrópu eftir að liðið vann öruggan 4-1 sigur á Genk frá Belgíu á útivelli í kvöld.

Alex Oxlade-Chamberlain skoraði fyrsta markið strax á 2. mínútu með laglegu skoti. Hann skoraði einnig annað mark Liverpool með þrumufleyg á 57. mínútu.

Sadio Mane bætti við þriðja markinu eftir laglega sendingu frá Mohamed Salah en Mane launaði Salah greiðann með því að leggja upp fjórða markið fyrir hann á 87. mínútu.

Stephen Odey náði að klóra í bakkann fyrir Genk áður en yfir lauk en lokatölur 4-1 sigur Liverpool. Þeir eru með sex stig í öðru sætinu.





Í sama riðli unnu Napoli 3-2 sigur á Red Bull Salzburg og eru því á toppi riðilsins með sjö stig en Salzburg er í 3. sætinu með þrjú stig.

VAR dæmdi mark af Salzburg í upphafi leiks áður en Dries Mertens kom Napoli yfir. Erling Braut Håland jafnaði metin úr vítaspyrnu á 40. mínútu og 1-1 í hálfleik.

Dries Mertens og Erling Braut Håland skoruðu svo sitt hvort markið áður en Lorenzo Insigne skoraði sigurmarkið stundarfjórðungi fyrir leikslok.





Barcelona marði sigur á Slavia Prag í F-riðlinum en sigurmarkið skoraði Luis Suarez í síðari hálfleik. Í sama riðli unnu Inter 2-0 sigur á Dortmund með mörkum Lautaro Martinez og Antonio Candreva.

Í F-riðlinum er Barcelona með sjö stig en Inter og Dortmund eru í öðru og þriðja sætinu með fjögur stig. Slavia Prag er í fjórða sætinu með eitt stig.





Öll úrslit dagsins:
E-riðill:
Genk - Liverpool 1-4
Salzburg - Napoli 2-3

F-riðill:
Inter - Dortmund 2-0
Slavia Prag - Barcelona 1-2

G-riðill:
Leipzig - Zenit 2-1
Benfica - Lyon 2-1

H-riðill:
Ajax - Chelsea 0-1
Lille - Valencia 1-1

Bein lýsing

Leikirnir




    Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
    Velkomin á Vísi. Þessi vefur notar vafrakökur. Sjá nánar.