Bílar

Nýr Golf kynntur

Kristinn Ásgeir Gylfason skrifar
Volkswagen Golf MK8
Volkswagen Golf MK8 Volkswagen

Áttunda kynslóðin af Volkswagen Golf mun koma á göturnar á næsta ári. Hann verður einungis í boði í fimm dyra útgáfu og verður þónokkuð uppfærður frá því sem áður hefur sést.

Golf-inn var frumsýndur á dögunum í höfuðstöðvum Volkswagen í Wolfsburg, Þýskalandi.

Innra rýmið í Golf MK8 Volkswagen

Vélar
Bíllinn verður fáanlegur með þremur nýjum mildum tvinnvélum. Hann verður fáanlegur með 1,0 líters bensínvél, 1,5 lítra bensínvél og 2,0 lítra dísilvél.

Bensínvélarnar verða svo í boði sem eTSI sem mildar tvinn-vélar. Það virkar þá þannig að rafall og startari eru tengdir við 48V geymi sem nýtist til að brúa bilið ef hægt er til að minnka eldsneytisnotkun. Að sögn Volkswagen getur þetta leitt til um 10% eldsneytissparnaðar.

Kraftmesta útgáfan verður GTE útgáfan sem er 214 hestafla tengil-tvinnbíll. Hann mun hafa 50% afkastameiri rafhlöður en sá gamli.

Car2X kerfið er snjallkerfi sem á í samskiptum við aðra til þess að auka öryggi og auðvelda akstur. Volkswagen

Tæknilegar nýjungar
Fyrir utan uppfærslur í afþreyingarkerfi og mælaborði eru ýmsar uppfærslur sem rista dýpra. Nýja útgáfan af Golf verður til að mynda uppfæranleg yfir internetið, líkt og Tesla hefur gert.

Car2X
Golf mun nýta Car2X tækni, sem þýðir að bíllinn getur með hjálp þráðlauss nets eða farsímanets átt í samskiptum við aðra bíla með sama búnað. Eins getur bíllinn átt í samskiptum við vegbúnað, t.d. umferðaljós.

Slíkt mun nýtast til að veita rauntíma upplýsingar um umferðarálag á götum, stilla af umferðastýrð ljós og fleira.


Tengdar fréttir

Tíu söluhæstu bílar heims 2018

Toyota Corolla hefur á síðustu árum verið söluhæsta einstaka bílgerð í heimi og árið í fyrra var engin undantekning.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.