Viðskipti innlent

Allt að 1,7 prósenta lækkun á íbúðalánavöxtum

Kristín Ólafsdóttir skrifar
Almennt hefur hægst á fasteignamarkaðnum eftir mikla siglingu undanfarinna ára.
Almennt hefur hægst á fasteignamarkaðnum eftir mikla siglingu undanfarinna ára. Vísir/vilhelm

Vextir á fasteignalánum hafa lækkað um 0,5 til 1,7 prósentustig samhliða 1,25 prósentustiga lækkun á stýrivöxtum Seðlabanka Íslands frá því í maí. Þetta kemur fram í nýrri skýrslu Íbúðalánasjóðs fyrir október.

Um leið hefur aðeins dregið úr nýjum íbúðalánum frá því í september og frá sama mánuði árið áður.

„Mikill munur er þó á samsetningu nýrra lána en ný óverðtryggð lán hafa aukist um 41% á milli ára meðan verðtryggð lán hafa dregist saman um 51%,“ að því er segir í samantekt um skýrsluna.

Merki um lítinn samdrátt

Almennt hefur hægst á fasteignamarkaðnum eftir mikla siglingu undanfarinna ára. Meðalsölutími íbúða annarra en nýbygginga hefur þó lengi haldist nokkuð stöðugur á höfuðborgarsvæðinu.

Þá hefur dregið úr veltu í byggingariðnaði á árinu og innflutningur á byggingarhráefni hefur dregist saman. Starfsfólki í byggingariðnaði með erlent lögheimili hefur jafnframt farið fækkandi undanfarin tvö ár og fækkar enn. Starfsfólk með íslenskt lögheimili hefur hins vegar ekki verið fleira síðan árið 2008.

„Heildarfjöldi starfsfólks í greininni er því enn með mesta móti. Því fjölgar þó hægar en áður og voru 3% fleiri á öðrum ársfjórðungi þessa árs en á sama tíma í fyrra.“

Skýrslu íbúðalánasjóðs fyrir október 2019 má nálgast í heild hér.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
HEIMA
5,98
19
1.491.650
VIS
2,8
19
263.441
SIMINN
0,75
15
428.677
SJOVA
0,51
21
360.465
EIK
0,38
12
157.342

Mesta lækkun dagsins


Félag
Br.%
Fjöldi
Velta*
MAREL
-4,01
41
1.008.965
LEQ
-2,43
3
69.322
ICEAIR
-2,41
12
36.382
TM
-1,96
11
203.211
KVIKA
-1,94
7
168.078
Velkomin á Vísi. Þessi vefur notar vafrakökur. Sjá nánar.