Innlent

Ferðamaður ók í veg fyrir lögreglubíl

Kristín Ólafsdóttir skrifar
Ferðamaðurinn sem ók í veg fyrir lögreglubílinn greiddi 15 þúsund króna sekt á staðnum.
Ferðamaðurinn sem ók í veg fyrir lögreglubílinn greiddi 15 þúsund króna sekt á staðnum. Vísir/vilhelm

Lögreglan á Suðurnesjum stöðvaði erlendan ferðamann á 141 kílómetra hraða þar sem hámarkshraði er 90 um helgina. Ferðamaðurinn greiddi á annað hundrað þúsund krónur í sekt á staðnum.

Þá fór betur en á horfðist þegar bifreið, sem ekið var á móti lögreglubifreið á Suðurnesjum um helgina, var skyndilega ekið yfir miðju vegar svo lögreglumaðurinn þurfti að hemla og sveigja til hliðar til að forða árekstri.

Ökumaðurinn sem ók yfir á rangan vegarhelming reyndist vera erlendur ferðamaður og sagðist hann hafa verið að skyggnast um eftir húsi eða skilti. Hann greiddi 15 þúsund króna sekt á staðnum.

Þá voru höfð afskipti af ökumanni með barn í bifreið sinni, sem sat á púða í aftursæti en án öryggisbeltis eða annars áskilins búnaðar. Tilkynning um málið var send barnaverndarnefnd.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.