Adidas hefur endurvinnslu Oddur Freyr Þorsteinsson skrifar 17. október 2019 14:30 Þessi nýja þjónusta Adidas á að minnka fatasóun, en áætlað er að föt að andvirði 22,5 milljarða króna séu urðuð í Bretlandi á ári hverju.Nordicphotos/GETTY Íþróttavörurisinn Adidas er kominn í samstarf við breska sprotafyrirtækið Stuffstr til að hefja endurnýtingu á vörum sínum. Hugmyndin er að gera viðskiptavinum kleift að skila inn notuðum fatnaði og fá inneignarnótu hjá Adidas í staðinn. Sem stendur er þjónustan bara í boði í Bretlandi, en viðskiptavinum sem hafa skráð sig í nokkurs konar vildarklúbb fyrirtækisins þar í landi er boðið að skila öllum Adidas-vörum sem hafa verið keyptar af merkinu síðustu fimm ár, sama í hvernig ástandi þær eru. Vörurnar verða svo seldar aftur. Ef þær þurfa viðgerð fá þær hana og ef þær eru í slæmu ásigkomulagi verða þær endurnýttar í nýjar vörur. Ætlunin er að bjóða upp á þessa þjónustu á öðrum sérvöldum mörkuðum á næsta ári.Fólk vill minni sóun Þessi nýja þjónusta er skref í rétta átt hjá íþróttavörurisanum og getur minnkað sóun verulega. Fyrirtækið setti á fót svipuð verkefni í verslunum í Brasilíu árið 2012 og í Kanada árið 2016 og á síðasta ári bauðst fólki líka að skila gömlum fötum og skóm inn í níu verslanir í London, París, New York og Los Angeles.Adidas er einn stærsti íþróttavöruframleiðandi heims og því getur betri nýting á vörum fyrirtækisins haft mikil jákvæð áhrif.Þjónustan endurspeglar sívaxandi þrýsting á stóru tískumerkin frá bæði neytendum og eftirlitsaðilum sem vilja að þau bregðist við því gríðarlega magni af úrgangi sem starfsemi þeirra skapar. Áætlað er að föt að andvirði tæplega 22,5 milljarða króna séu urðuð árlega, bara í Bretlandi. Adidas hefur lagt áherslu á að minnka sóun og úrgang síðustu ár og ætlar til dæmis einungis að nota endurunnið plast í vörur sínar frá árinu 2024.Vilja breyta neysluhegðun En það getur verið erfitt að fá neytendur til að skila inn vörum sem þeir vilja ekki lengur og svo er það flókið mál að flokka og vinna úr þessu magni af fötum sem verður skilað inn. Adidas vonast til að samstarfið við Stuffstr komi þar að gagni.Þetta er ekki í fyrsta sinn sem Adidas vinnur með öðrum, en fyrirtækið hefur til dæmis unnið með frægum einstaklingum eins og Kanye West.Breskir neytendur geta skilað inn vörum sem eru virði 20 punda eða meira í gegnum snjallsímaforrit frá Adidas. Stuffstr sér svo um að safna saman vörunum og selja þær aftur í gegnum sölusíður eins og Ebay. Þessi nýja þjónusta er að mörgu leyti lengra komin en önnur álíka þjónusta og Stuffstr vonast til þess að hún breyti neytendahegðun með því að draga úr aðdráttarafli hraðtísku og fái fólk til að hugsa meira um verðgildi hlutanna. John Atcheson, stofnandi og framkvæmdastjóri Stuffstr, segir að hugmyndin sé að gefa fólki fjárhagslegan hvata til að kaupa hluti sem endast. Þannig vonast hann til að þjónustan gefi fólki tól til að hugsa og haga sér öðruvísi. Bretland Umhverfismál Mest lesið Sýn fær fjármálastjóra frá Kviku Viðskipti innlent Bein útsending: Má þetta bara? Viðskipti innlent Múrarinn sem fékk símtal og varð bruggari Viðskipti innlent Fimm nýir stjórnendur í framkvæmdastjórn Daga Viðskipti innlent Vill samskipti Þórdísar við Bankasýsluna upp á borð Viðskipti innlent Ekki í stjórnarsáttmála að ríkisvæða tryggingafélög Viðskipti innlent KEA eignast Ferro Zink hf. að fullu Viðskipti innlent Náðu markmiðinu og seldu rúmar 100 þúsund bækur Viðskipti innlent Bankastjóri segir Landsbankann ekki vera ríkisfyrirtæki Viðskipti innlent „What do you mean by shit-mix, are you mixing the shit?“ Atvinnulíf Fleiri fréttir Færeyska 757-þotan fær aðra ferð á Vogaflugvöll Boeing 757-þotan fær ekki að lenda í Færeyjum Birta tölvupósta frá Musk Sala á iPhone-símum hríðfellur í Kína Færeyingar fagna fiskflutningaþotu Facebook virkar á ný Bezos tekur aftur fram úr Musk Apple sektað um 270 milljarða af ESB Elsta vörumerki Bretlands fær nýtt útlit Umfangsmiklar uppsagnir hjá PlayStation Léku bakarí grátt og Musk lofar bót og betrun Bjóða níræðum ókeypis flug Gekk erfiðlega að svara fyrir meint okur og sagði upp störfum Ofsagróði hjá olíurisunum eftir innrás Rússa í Úkraínu Klósettleysi yfir Íslandi setti ferðaplönin úr skorðum Óvænt kreppa í Japan og Þýskaland tekur þriðja sætið Grænlendingar hefja beint flug til Kanada Engir rauðir límmiðar lengur á Iittala Vill færa skráningu Tesla til Texas Adidas ákveður að selja birgðir sínar af Yeezy Sjá meira
Íþróttavörurisinn Adidas er kominn í samstarf við breska sprotafyrirtækið Stuffstr til að hefja endurnýtingu á vörum sínum. Hugmyndin er að gera viðskiptavinum kleift að skila inn notuðum fatnaði og fá inneignarnótu hjá Adidas í staðinn. Sem stendur er þjónustan bara í boði í Bretlandi, en viðskiptavinum sem hafa skráð sig í nokkurs konar vildarklúbb fyrirtækisins þar í landi er boðið að skila öllum Adidas-vörum sem hafa verið keyptar af merkinu síðustu fimm ár, sama í hvernig ástandi þær eru. Vörurnar verða svo seldar aftur. Ef þær þurfa viðgerð fá þær hana og ef þær eru í slæmu ásigkomulagi verða þær endurnýttar í nýjar vörur. Ætlunin er að bjóða upp á þessa þjónustu á öðrum sérvöldum mörkuðum á næsta ári.Fólk vill minni sóun Þessi nýja þjónusta er skref í rétta átt hjá íþróttavörurisanum og getur minnkað sóun verulega. Fyrirtækið setti á fót svipuð verkefni í verslunum í Brasilíu árið 2012 og í Kanada árið 2016 og á síðasta ári bauðst fólki líka að skila gömlum fötum og skóm inn í níu verslanir í London, París, New York og Los Angeles.Adidas er einn stærsti íþróttavöruframleiðandi heims og því getur betri nýting á vörum fyrirtækisins haft mikil jákvæð áhrif.Þjónustan endurspeglar sívaxandi þrýsting á stóru tískumerkin frá bæði neytendum og eftirlitsaðilum sem vilja að þau bregðist við því gríðarlega magni af úrgangi sem starfsemi þeirra skapar. Áætlað er að föt að andvirði tæplega 22,5 milljarða króna séu urðuð árlega, bara í Bretlandi. Adidas hefur lagt áherslu á að minnka sóun og úrgang síðustu ár og ætlar til dæmis einungis að nota endurunnið plast í vörur sínar frá árinu 2024.Vilja breyta neysluhegðun En það getur verið erfitt að fá neytendur til að skila inn vörum sem þeir vilja ekki lengur og svo er það flókið mál að flokka og vinna úr þessu magni af fötum sem verður skilað inn. Adidas vonast til að samstarfið við Stuffstr komi þar að gagni.Þetta er ekki í fyrsta sinn sem Adidas vinnur með öðrum, en fyrirtækið hefur til dæmis unnið með frægum einstaklingum eins og Kanye West.Breskir neytendur geta skilað inn vörum sem eru virði 20 punda eða meira í gegnum snjallsímaforrit frá Adidas. Stuffstr sér svo um að safna saman vörunum og selja þær aftur í gegnum sölusíður eins og Ebay. Þessi nýja þjónusta er að mörgu leyti lengra komin en önnur álíka þjónusta og Stuffstr vonast til þess að hún breyti neytendahegðun með því að draga úr aðdráttarafli hraðtísku og fái fólk til að hugsa meira um verðgildi hlutanna. John Atcheson, stofnandi og framkvæmdastjóri Stuffstr, segir að hugmyndin sé að gefa fólki fjárhagslegan hvata til að kaupa hluti sem endast. Þannig vonast hann til að þjónustan gefi fólki tól til að hugsa og haga sér öðruvísi.
Bretland Umhverfismál Mest lesið Sýn fær fjármálastjóra frá Kviku Viðskipti innlent Bein útsending: Má þetta bara? Viðskipti innlent Múrarinn sem fékk símtal og varð bruggari Viðskipti innlent Fimm nýir stjórnendur í framkvæmdastjórn Daga Viðskipti innlent Vill samskipti Þórdísar við Bankasýsluna upp á borð Viðskipti innlent Ekki í stjórnarsáttmála að ríkisvæða tryggingafélög Viðskipti innlent KEA eignast Ferro Zink hf. að fullu Viðskipti innlent Náðu markmiðinu og seldu rúmar 100 þúsund bækur Viðskipti innlent Bankastjóri segir Landsbankann ekki vera ríkisfyrirtæki Viðskipti innlent „What do you mean by shit-mix, are you mixing the shit?“ Atvinnulíf Fleiri fréttir Færeyska 757-þotan fær aðra ferð á Vogaflugvöll Boeing 757-þotan fær ekki að lenda í Færeyjum Birta tölvupósta frá Musk Sala á iPhone-símum hríðfellur í Kína Færeyingar fagna fiskflutningaþotu Facebook virkar á ný Bezos tekur aftur fram úr Musk Apple sektað um 270 milljarða af ESB Elsta vörumerki Bretlands fær nýtt útlit Umfangsmiklar uppsagnir hjá PlayStation Léku bakarí grátt og Musk lofar bót og betrun Bjóða níræðum ókeypis flug Gekk erfiðlega að svara fyrir meint okur og sagði upp störfum Ofsagróði hjá olíurisunum eftir innrás Rússa í Úkraínu Klósettleysi yfir Íslandi setti ferðaplönin úr skorðum Óvænt kreppa í Japan og Þýskaland tekur þriðja sætið Grænlendingar hefja beint flug til Kanada Engir rauðir límmiðar lengur á Iittala Vill færa skráningu Tesla til Texas Adidas ákveður að selja birgðir sínar af Yeezy Sjá meira