PSG bauð Barcelona Kara­batic en Spánar­meistararnir sögðu nei

Franska stórstjarnan, Nikola Karabatic, virðist ekki vera í náðinni hjá PSG því forráðamenn franska liðsins buðu hann til Barcelona á dögunum.

Spænski miðillinn RAC1 greindi frá þessu í gærkvöldi og sögðu frá því að PSG hafði boðið Barcelona hinn 35 ára gamla Karabatic.

Medie: PSG tilbød Nikola Karabatic til Barcelona, som sagde nej tak - https://t.co/UaaLLnpMDwpic.twitter.com/tnwHZzeoqN

— HBOLD.dk (@HBOLDdk) October 5, 2019

Barcelona sagði hins vegar nei við Karabatic sem var á mála hjá Barcelona frá 2013 til 2015 en þaðan fór hann til PSG.

Aron Pálmarsson er á mála hjá Barcelona en Guðjón Valur Sigurðsson er samherji Karabatic hjá Paris Saint-Germain.