Viðskipti innlent

Vænkast hagur nautnaseggja í Arion eftir að munntóbaksmaðurinn mætti

Jakob Bjarnar skrifar
Ásgeir Helgi Reykfjörð Gylfason nýtur þess að taka í vörina og meðan einhverjir láta það trufla sig innan bankans fagna aðrir skrefum í frjálsræðisátt.
Ásgeir Helgi Reykfjörð Gylfason nýtur þess að taka í vörina og meðan einhverjir láta það trufla sig innan bankans fagna aðrir skrefum í frjálsræðisátt.
Ásgeir Helgi Reykfjörð Gylfason aðstoðarforstjóri Arion banka er gefinn fyrir munntóbakið. Hann var ráðinn til bankans í sumar og mætti til starfa nú í haust en Ásgeir Helgi var áður á fyrirtækjasviði Kviku banka þar sem munntóbakstuggur þóttu ekkert tiltökumál. Þess má til gamans geta að Ásgeir Helgi er bróðir Þórdísar Kolbrúnar Reykfjörð Gylfadóttur ferðamála-, iðnaðar- og nýsköpunarráðherra.



Áður var gert ráð fyrir því í Arion banka að starfsmenn træðu helst ekki tóbaki í vör sína en nú er taumurinn laus.



Vísir ræddi við trúnaðarmann starfsmannahóps Arion banka sem kannaðist við það að einhverjum þætti truflandi að hinn nýi aðstoðarforstjóri færi um ganga og gúllinn troðinn af tóbaki. En, að sama skapi má telja víst að þeir séu til sem fagni auknu frjálsræði innan bankans þó ekki hafi borið mikið á slíkri tóbaksnotkun áður.



Trúnaðarmaðurinn vildi reyndar ekki kannast við að nein formleg boð og bönn hafi ríkt í tengslum við þá nautn að smella einni og einni tóbakstuggu í túlla sinn en hins vegar hefur ekkert borið á slíku þar fyrr en nú. Eftir höfðinu dansa limirnir og nú eru auknar líkur á því að rekast megi á eitt eða tvö tóbakskornin á borðum bankans eftir að munntóbaksmaðurinn Ásgeir Helgi mætti til leiks.


Tengdar fréttir

Mikil aukning kvenna sem taka í vörina

Mikil aukning hefur orðið í notkun kvenna á munntóbaki á síðustu tveimur árum. Þetta sagði Viðar Jensson hjá Landlæknisembættinu í Reykjavík síðdegis í dag.




Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
HEIMA
4,76
1
154
BRIM
1,82
7
315.738
REITIR
0,56
2
17.880
SJOVA
0,25
3
4.814
ORIGO
0,16
1
23

Mesta lækkun dagsins


Félag
Br.%
Fjöldi
Velta*
ICEAIR
-7,61
7
473
LEQ
-1,51
1
2.387
MAREL
-1,27
5
168.910
SYN
-0,41
1
244
ICESEA
0
1
18
Velkomin á Vísi. Þessi vefur notar vafrakökur. Sjá nánar.