Ásgeir Helgi Reykfjörð aðstoðarbankastjóri Arion banka
Ásgeir Helgi Reykfjörð Gylfason hefur verið ráðinn aðstoðarforstjóri Arion banka. Hann mun hefja störf með haustinu en um nýtt hlutverk er að ræða innan bankans.
Í tilkynningu frá Arion banka segir að Ásgeir hafi undanfarin ár starfað sem framkvæmdastjóri fyrirtækjasviðs Kviku banka hf.
Hann var meðlimur í framkvæmdahópi um losun fjármagnshafta árið 2015 en áður starfaði hann hjá MP banka sem yfirlögfræðingur, hjá LOGOS lögmannsþjónustu í Reykjavík og London og hjá Straumi fjárfestingarbanka.
Ásgeir er með lögmannsréttindi og hefur lokið lagaprófi frá Háskólanum í Reykjavík.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
