Almannavarnir og Isavia látin vita af óróleika í Heklu
Veðurstofa Íslands hefur látið Almannavarnir og Isavia vita af óróleika í Heklu. Sex jarðskjálftar hafa mælst þar frá síðustu nótt. Þeir voru litlir en þó þykir óvenjulegt að svo margir skjálftar mælist þar á svo skömmum tíma.
Þetta kemur fram í frétt Ríkisútvarpsins en þar er haft eftir Kristínu Jónsdóttur, fagstjóra jarðvár, sérfræðingar hafi ekki miklar áhyggjur, eins og er.
Næmni mælanets í kringum Heklu hafi aukist og nú sé hægt að sjá mun fleiri skjálfta en áður. Hún segir það mikilvægt skref varðandi vöktun eldfjallsins en síðast gaus þar árið 2000.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
