Kynningar

Giskaði rétt á hversu langt Ómar og Siggi Hlö færu

Bílabúð Benna kynnir
Pétur Lár fékk afnot af Opel Ampera-e en hann var sannspárri en hinir þúsund lesendurnir sem spreyttu sig.
Pétur Lár fékk afnot af Opel Ampera-e en hann var sannspárri en hinir þúsund lesendurnir sem spreyttu sig.

Ómar Ragnarsson og Siggi Hlö kepptu á dögunum um það hvor þeirra kæmist lengra á einni hleðslu í Opal Ampera-e rafbílum. Þeir félagar lögðu af stað um morguninn frá Bílabúð Benna í Reykjavík og var stefnan sett norður yfir heiðar til Akureyrar.

Fylgst var með keppninni í beinni útsendingu hér á Vísi og var útkoman stórskemmtileg. Báðir komust þeir til Akureyrar þar sem stoppað var stutt í eina pulsu og síðan snúið við aftur til Reykjavíkur.

Að lokum hafði Ómar betur og náði hann nánast að keyra aftur til Varmahlíðar, eða 458 kílómetra. Siggi Hlö náði áleiðis aftur upp á Öxnadalsheiði, eða 406 kílómetra.

Sjá nánar: Bein útsending: Ómar Ragnarsson og Siggi Hlö keppa til Akureyrar á Opel Ampera-e

Samhliða því að fylgjast með ferðalagi þeirra félaga gátu lesendur Vísis spreytt sig á því að giska hversu langt Siggi og Ómar myndu ná. Um þúsund manns tóku þátt en það var Pétur Lár sem bar höfuð og herðar yfir aðra sem reyndu að komast næst réttum kílómetratölum. Pétur var með rétta kílómetratölu fyrir Sigga og skeikaði aðeins um einn kílómetra fyrir Ómar.

Nú í vikunni afhenti Bílabúð Benna Pétri því lykla að glænýjum Opel Ampera-e rafbíl sem hann fær til afnota í mánuð.

Hér fyrir neðan má sjá samantektarmyndband af keppninni milli Ómars og Sigga.

Klippa: Siggi Hlö og Ómar Ragnarsson kepptu á rafbíl til Akureyrar


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.