Veiði

Gæsaveiðin fór vel af stað

Karl Lúðvíksson skrifar

Gæsaveiðin hófst í gær og af fyrstu fregnum að dæma hafa þær skyttur sem við höfum verið í sambandi við get mjög góða veiði.

Veiðar á heiðagæs taka þungann af veiðinni fyrstu dagana og á þessum tíma er fuglinn einmitt oft hvað bestur á bragðið þegar hún er búin að vera í berjum. Af eþim skyttum sem við höfum heyrt frá eru menn mjög sáttir við þá veiði sem þeir náðu í fyrsta morgunfluginu en sumir hafa þó eingöngu verið að skjóta heiðagæsina í kvöldflugi og besta veiðin sem við höfum heyrt af eru 72 fuglar á þrjár byssur. 

Það var margt um manninn á aðgengilegustu heiðunum eins og gefur að skilja en flestir eiga sína bletti og staði sem þeir hafa lagt mikla vinnu í að finna og þess vegna erum við hér á Veiðivísi oftar en ekki beðnir um að segja ekki frá stöðum og eða hvaða skyttur um ræðir því það eru alveg dæmi um að þeir sem veiða best hafa verið eltir til að reyna komast að því hvar þeir eru að veiða. Að sama skapi passa menn sig mjög mikið þegar það er verið að taka myndir af aflanum á heiðunum að sýna ekkert landsslag svo staðurinn þekkist ekki.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.