Innlent

Björguðu manni úr brennandi húsi

Jóhann K. Jóhannsson skrifar
Slökkviliðsmenn hjá Brunavörnum Suðurnesja björguðu manni úr brennandi húsi síðdegis
Slökkviliðsmenn hjá Brunavörnum Suðurnesja björguðu manni úr brennandi húsi síðdegis V'isir/Einar Á.
Slökkviliðsmenn hjá Brunavörnum Suðurnesja björguðu manni úr logandi húsi við Hlíðarveg í Reykjanesbæ á fjórða tímanum í dag.

Tilkynning um eldinn barst slökkviliði um klukkan tuttugu mínútur í fjögur og var dælubíll og sjúkrabifreið þegar send á vettvang.

Jón Guðlaugsson, slökkviliðsstjóri Brunavarna Suðurnesja, segir í samtali við fréttastofu að þegar að var komið hafi verkefnið reynst mun umfangsmeira en reiknað hafði verið með. Ekki hefði komið fram í tilkynningunni til slökkviliðs um að maður væri innandyra í húsinu þar sem eldurinn var.

Reykkafarar fóru inn í húsið og fundu manninn. Að sögn Jóns reyndist hann nokkuð slasaður og var fluttur með sjúkrabíl á slysadeild.

Eldsupptök liggja ekki fyrir en Lögreglan á Suðurnesju annast rannsókn málsins.




Fleiri fréttir

Sjá meira


×