Margrét Pétursdóttir verður forstjóri EY
Margrét Pétursdóttir mun taka við af Ásbirni Björnssyni sem forstjóri Ernst & Young á Íslandi á næsta aðalfundi félagsins sem haldinn verður síðar í september. Frá þessu er greint í yfirlýsingu frá fyrirtækinu.
Margrét er einn af eigendum EY og hefur starfað hjá félaginu, sem sérhæfir sig í endurskoðunar-, skattamála- og ráðgjafaþjónustu, frá stofnun þess á Íslandi. Fráfarandi forstjóri, Ásbjörn Björnsson, er að sama skapi einn af stofnendum félagsins en hann er sagður ætla að starfa áfram hjá EY.
Margrét hefur verið sviðsstjóri endurskoðunarsviðs hjá félaginu undanfarin ár. Auk starfa sinna hjá EY hefur Margrét verið formaður Félags löggiltra endurskoðenda, FLE, og situr núna í stjórn Alþjóðasambands endurskoðenda, IFAC.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
