Mbappe og Cavani báðir meiddir

Leikur PSG og Toulouse í gær var dýr fyrir PSG því stórstjörnur liðsins, Kylian Mbappe og Edinson Cavani, meiddust báðir í leiknum.

Cavani haltraði af velli eftir aðeins 14 mínútna leik en Mbappe meiddist á læri í síðari hálfleik. Óvíst er hversu lengi þeir verða frá.

Fjarvera þeirra kom þó ekki að sök því PSG vann leikinn, 4-0.

Liðið verður þó án þeirra í næstu leikjum og svo hefur Neymar ekkert spilað fyrir liðið í vetur þar sem enn er óvissa um framtíð hans hjá félaginu.

PSG er í þriðja sæti frönsku deildarinnar. Hefur unnið tvo af þremur leikjum sínum en liðið tapaði óvænt fyrir Rennes á dögunum en Rennes er í toppsæti deildarinnar.