Viðskipti innlent

Akureyringar fá sína H&M

Kolbeinn Tumi Daðason skrifar
Verslunin verður opnuð haustið 2020.
Verslunin verður opnuð haustið 2020. Vísir/Vilhelm

H&M verslun verður opnuð á Glerártorgi á Akureyri haustið 2020. Um er að ræða fjórðu verslun sænsku keðjunnar sem opnar hér á landi. Vikudagur greinir frá en um er að ræða fyrsta útibú H&M á Íslandi utan höfuðborgarsvæðisins.

Verslunin verður 1300 fermetrar að stærð og segir Dirk Roennefahrt, framkvæmdastjóri H&M á Íslandi og Noregi, í tilkynningu að verslunin sé frábær viðbót. Í versluninni verður fáanlegur dömu- og herrafatnaður ásamt barnafatnaði og snyrtivörum

Opnunin er í samstarfi við Eik fasteignafélag og segir Garðar Hannes Friðjónsson, forstjóri Eikar, að verslunin muni laða að sér enn stærri hóp af gestum og hafa góð áhrif á aðrar verslanir á Glerártorgi.

Akureyri H&M Eik fasteignafélag Verslun


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið