Bílar

Ratcliffe hannar arftaka Land Rover Defender

Kristinn Haukur Guðnason skrifar
Jim Ratcliffe hrífst af skörpum línum Land Rover bifreiða.
Jim Ratcliffe hrífst af skörpum línum Land Rover bifreiða. Vísir/Getty

Jim Ratcliffe hefur lengi verið mikill áhugamaður um fjórhjóladrifna bíla og þá sérstaklega Land Rover Defender. Hefur hann keyrt á þeim víða um heim, meðal annars á Íslandi. Eftir að tilkynnt var að framleiðslu Defender yrði hætt, árið 2016, ákvað hann að hrinda af stað hönnun nýs bíls, Grenadier.

„Hann elskaði Defender og sá að það var enn þá markaður fyrir hreinræktaðan fjórhjóladrifinn bíl,“ segir Richard Longden, upplýsingafulltrúi hjá Ineos sem er í eigu Ratcliffes. „Við hönnunina horfum við ekki aðeins á Defender heldur Mercedes G Wagon og fleiri fjórhjóladrifna bíla.“

Hönnun útlitsins og gangverk Grenadier eru komin vel á veg og samið hefur verið við BMW um vélarnar. Longden segir að Ratcliffe hafi lært það af ferðum sínum í Afríku og víðar að svona bílar séu nauðsynlegir til að komast á ákveðna staði og klára ákveðin verk. „Þessi bíll verður ekki dæmigerður hlaupmótaður nútímajeppi. Það verða skarpar línur og horn,“ segir hann.


Tengdar fréttir

Ratcliffe boðar nýja laxastiga og miklar hrognasleppingar

Auðmaðurinn Jim Ratcliffe vill útvíkka hrygningarsvæði laxa á Norðausturlandi þar sem hann á fjölda bújarða. Í yfirlýsingu segir að hann standi að ítarlegri langtímarannsókn á afkomu laxa í íslenskum ám og í norðanverðu Atlantshafi í samstarfi við Hafrannsóknastofnun hér og íslenska og erlenda háskóla.

Yfirgnæfandi stuðningur við frekari hömlur á jarðakaup

Mikill stuðningur er við að stjórnvöld setji frekari skorður við jarðakaupum erlendra aðila samkvæmt nýrri könnun sem gerð var fyrir Fréttablaðið. Þannig segjast tæp 84 prósent mjög eða frekar sammála frekari skorðum en aðeins fimm prósent eru því ósammála. Andstaðan við jarðakaup eykst með aldri.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.