Veiði

Ný sería af Sporðaköstum væntanleg

Karl Lúðvíksson skrifar
Við tökur á Sporðaköstum.
Við tökur á Sporðaköstum. Mynd: Eggert SKúlason

Í sumar hafa farið fram tökur á nýrri Sporðakastaseríu sem er með nýstárlegu sniði. Myndaðir eru erlendir veiðimenn sem eru stór nöfn í alþjóðlega veiðiheiminum og sumir einnig þekktir út fyrir þann heim.

Þættirnir eru sex talsins og er farið vítt og breitt um Ísland. Meðal þeirra staða sem eru heimsóttir eru: Laxá á Ásum, Grímsá, Kjarrá, Skarðsá á Möðrudal, Þingvallavatn, Tungufljót, Miðfjarðará, Laxá í Kjós og fleiri vatnasvæði. Gestir þáttanna eru á aldrinum 11 til 93 ára. Bresku leikararnir Robson Green og James Murray koma við sögu ásamt Lillu Rawcliff sem er á 94 aldursári en veiðir enn og elskar Ísland. Tiggy Pettifer einn af leiðtogum AST heimsækir Ísland og veiðir með í för.

Eggert SKúlason sér um framleiðslu þáttana en hann hefur eins og veiðimenn allir þekkja gefið út nokkrar seríur af Sporðaköstum og það er þess vegna mikil eftirvænting meðal veiðimanna þegar Eggert er við tökur og nýtt efni um veiðar á leiðinni á skjáinn.
 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.