Viðskipti innlent

Laaksonen nýr forstjóri Samskipa í Evrópu

Andri Eysteinsson skrifar
Kari-Pekka Laaksonen tekur við starfi um næstu mánaðamót.
Kari-Pekka Laaksonen tekur við starfi um næstu mánaðamót. Samskip

Finninn Kari-Pekka Laaksonen hefur verið ráðinn forstjóri samsteypu Samskipa í Evrópu. Þetta kemur fram í tilkynningu Samskipa.

Kari-Pekka mun hefja störf hjá fyrirtækinu 1. ágúst næstkomandi og verður starfsstöð hans í Rotterdam í Hollandi. Laaksonen hefur undanfarin ár leitt finnska fyrirtækið Containerships og býr því yfir reynslu úr skipageiranum en undir stjórn hans hefur Containerships vaxið og dafnað.

„Ferilskrá mín síðustu 20 árin sýnir reynslu úr geiranum með mismunandi skipaflutningafyrirtækjum en það endurspeglar áhuga minn á þörfum viðskiptavinanna, segir Laaksonen.

Skipulagsbreytingar hérlendis verða ekki miklar en Birkir Hólm Guðnason verður enn forstjóri Samskipa á Íslandi og mun starfsemin hér á landi njóta frekari stuðnings frá höfuðstöðvunum í Rotterdam.

Ólafur Ólafsson, einn eiganda Samskipa, segist hæst ánægður með ráðninguna á Laaksonen. „Ég þekki Kari-Pekka bæði faglega og persónulega til margra ára og hef séð hve vel honum hefur vegnað. Ég er því afar ánægður að hann sé að koma yfir til okkar hjá Samskipum,“ segir Ólafur.

Kari-Pekka Laaksonen mun fara fyrir sex manna framkvæmdastjórn fyrirtækisins en Ásbjörn Gíslason, sem gegnt hefur starfi forstjóra Samskip Logistics mun einnig sitja þar og tekur við hlutverki aðstoðarforstjóra samsteypunnar við hlið Kari-Pekka.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
HEIMA
4,27
1
458
SIMINN
2,25
25
930.473
BRIM
1,39
2
349
MAREL
1,38
24
571.432
REITIR
1,22
3
123.480

Mesta lækkun dagsins


Félag
Br.%
Fjöldi
Velta*
FESTI
-1,59
3
186.188
TM
-0,63
1
712
KVIKA
0
4
5.881
ICEAIR
0
15
58.432
EIK
0
2
51.510
Velkomin á Vísi. Þessi vefur notar vafrakökur. Sjá nánar.