Viðskipti erlent

Efast um ágæti nýrrar rafmyntar Facebook

Kjartan Kjartansson skrifar
Le Maire, fjármálaráðherra Frakklands (t.v.), og Mnuchin, fjármálaráðherra Bandaríkjanna, takast í hendur á G7-fundinum.
Le Maire, fjármálaráðherra Frakklands (t.v.), og Mnuchin, fjármálaráðherra Bandaríkjanna, takast í hendur á G7-fundinum. Vísir/AP

Fjármálaráðherrar Evrópusambandsríkja og Bandaríkjanna hafa efasemdir um rafmyntina Libra sem samfélagsmiðlarisinn Libra hefur boðað. Ekki ætti að hleypa henni af stokkunum fyrr en tekið hefur verið á alvarlegum álitamálum um hvaða reglur ættu að gilda upp hana.

Bandaríkjaþing hélt opinn fund um rafmyntir eins og Libra í vikunni og þær voru einnig á dagskrá fundar fjármálaráðherra G7-ríkjanna, sjö auðugustu iðnríkja heims, í Chantilly í Frakklandi, að sögn AP-fréttastofunnar.

Áhyggjur hafa komið fram um að rafmyntir geti verið nýttar til peningaþvættis. Ráðherrarnir sammæltust um að rafmyntir sem eru bundnar raunverulegum gjaldmiðlum verði að standast ítrustu kröfur fjármálareglna til að koma í veg fyrir peningaþvætti eða að þær ógni stöðugleika fjármála- og bankakerfis heimsins.

Steven Mnuchin, fjármálaráðherra Bandaríkjanna, og Bruno Le Maire, franski starfsbróðir hans, tóku sérstaklega fram að svara verði slíkum spurningum áður en slíkar rafmyntir eru teknar í notkun.

Facebook hyggst binda Libra við hefðbundna gjaldmiðla til að gera myntina stöðugri en aðrar rafmyntir eins og Bitcoin. Markmiðið er að hægt verði að nýta Libra til að greiða fyrir vörur og þjónustu.


Tengdar fréttir

Telur ósennilegt að útgáfa sýndarfjár hirði völdin af seðlabönkum

Már Guðmundsson seðlabankastjóri segir að ekki sé tilefni til að hafa miklar áhyggjur af þróun rafmynta eða sýndarfjár eins og Facebook Libra því undirliggjandi sýndarfénu séu alltaf viðurkenndir alþjóðlegir gjaldmiðlar. Fólk verði að geta skipt Libra á einhverjum tímapunkti í aðra gjaldmiðla. Það haldi umgjörð peningamála í reynd enn hjá seðlabönkum heimsins þótt tækniþróun sýndarfjár sé afar hröð.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ORIGO
1,8
2
677
BRIM
0
0
0
HEIMA
0
1
1.218

Mesta lækkun dagsins


Félag
Br.%
Fjöldi
Velta*
SIMINN
-2,9
12
190.976
KVIKA
-2,8
8
47.966
ARION
-2,54
34
992.823
ICEAIR
-2,17
18
37.233
VIS
-1,93
9
87.062
Velkomin á Vísi. Þessi vefur notar vafrakökur. Sjá nánar.