Viðskipti erlent

6,6 milljarða dala högg vegna 737 MAX

Stefán Ó. Jónsson skrifar
Flugáætlanir fjölda flugfélaga voru settar í uppnám í kjölfar kyrrsetningar MAX véla um allan heim.
Flugáætlanir fjölda flugfélaga voru settar í uppnám í kjölfar kyrrsetningar MAX véla um allan heim. Getty/RyanJLane

Flugvélaframleiðandinn Boeing mun greiða 4,9 milljarða bandaríkjadala í bætur til flugfélaga sem orðið hafa fyrir fjárhagslegu tjóni vegna kyrrsetningar 737 MAX-þotanna. Auk greiðslunnar áætlar flugvélaframleiðandinn að framleiðslukostnaður þotanna hafi aukist um 1,7 milljarða bandaríkjadala, en Boeing hefur hægt á framleiðslu sinni á 737 MAX meðan á kyrrsetningunni hefur staðið. Kostnaður Boeing vegna kyrrsetningarinnar nemur því alls 6,6 milljörðum dala á öðrum ársfjórðungi, sem gerir um 849 milljarðar íslenskra króna.

Í yfirlýsingu sem flugvélaframleiðandinn sendi frá sér í gær segjast forsvarsmenn áætla að þessi kostnaður verði til þess að Boeing muni ekki skila neinum hagnaði á þessum ársfjórðungi. Aukinheldur segja þeir bjartsýnustu spár gera ráð fyrir að vélarnar geti aftur tekið á loft á síðasta ársfjórðungi þessa árs. Boeing 737 MAX þoturnar hafa verið kyrrsetar frá því í mars eftir að tvö mannskæð flugslys á hálfu ári urðu um 350 manns að bana.

Hlutabréfaverð Boeing hækkaði um 2 prósent í viðskiptum eftir lok markaða í gær og segir greinandi hjá Morgan Stanley að líklega séu fjárfestar sáttir við bótaupphæðina. Þar að auki gefi framleiðsluáætlanir Boeing, sem stefnir á að framleiða 57 Boeing 737 MAX-þotur á mánuði á næsta ári, góð fyrirheit.

Þoturnar eru þær vinsælustu í sögu fyrirtækisins og segir forstjóri Boeing í fyrrnefndri yfirlýsingu að því sé ekki að neita að flugvélaframleiðandinn sé í mótvindi sem stendur. Ekki sé aðeins um fjárhagslegt tjón að ræða heldur hafi orstír fyrirtækisins jafnframt beðið hnekki. Öryggi farþega og starfsfólks sé forgangsmál hjá Boeing og því sé allt kapp lagt á vinna náið með flugstjórnaryfirvöldum svo að vinna megi bug á göllum og slá á efasemdir almennings.

Boeing mun birta uppgjör sitt fyrir annan ársfjórðung þann 24. júlí næstkomandi. Við það tilefni munu fjárfestar geta spurt nánar út í áhrifin af kyrrsetningu 737 MAX og hvernig Boeing hyggst spyrna sér upp frá botninum.


Tengdar fréttir

Boeing styrkir um 12 milljarða

Bandaríski flugvélarisinn Boeing ætlar að nýta að minnsta kosti helminginn af sjóði sínum fyrir fórnarlömb flugslysa tveggja Boeing 737 MAX-véla til þess að styðja fjölskyldur þeirra sem létust.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
KVIKA
0,78
4
241.107
HAGA
0,58
1
252
REITIR
0,33
4
31.487
ARION
0,25
3
15.919
REGINN
0,12
1
242

Mesta lækkun dagsins


Félag
Br.%
Fjöldi
Velta*
BRIM
-2,77
9
131.656
SKEL
-1,15
1
11.580
SYN
-0,94
4
25.388
FESTI
-0,59
1
25
VIS
-0,39
2
196
Velkomin á Vísi. Þessi vefur notar vafrakökur. Sjá nánar.