Er sólin skín á vegginn virkjast listin Gunnþóra Guðmundsdóttir skrifar 9. júlí 2019 15:00 Sólarslóð sýnir hreyfingu sólarinnar yfir eins árs tímabil með tólf brotalínum. Hver brotalína áætlar hæstu stöðu sólar á 21. degi hvers mánaðar ársins. Veggverkið Sólarslóð myndgerir í raun hreyfingu sólarinnar í gegnum heilt ár og er málað með vegamálningu, enda á það að standa,“ segir listakonan Theresa Himmer, sem er höfundur nýs útilistaverks í hjarta Kópavogs. Hún kveðst sækja sér innblástur í verk Gerðar Helgadóttur myndlistarkonu sem Gerðarsafn í Kópavogi heitir eftir. „Með Sólarslóð tengi ég gang sólar um himinhvolfið við Kópavog, við skipulag hjarta bæjarins, leiðir og stíga. Um leið er ég að votta Gerði virðingu mína og þeirri sérstöðu sem hún hefur sem listamaður í bæjarfélaginu og víðar,“ segir Theresa sem er dönsk en bjó á Íslandi í um áratug og hefur tekið virkan þátt í íslenskri myndlistarsenu. Eitt verka hennar er í eigu Gerðarsafns og er einmitt á sýningunni Útlínur sem þar stendur yfir. Sólarslóð er ekki heldur fyrsta útilistaverkið eftir hana Theresu sem sett er upp hér á landi heldur er hún búin að gera nokkur opinber myndlistarverk á síðustu tíu árum. „Kannski þekkir fólk best verkin sem ég gerði í á útiveggi í miðborg Reykjavíkur á árunum 2006-2008 sem voru gerð úr pallíettum en þó innblásin af náttúrunni á Íslandi. Þar voru foss, jökull og eldgos. Þau voru tímabundin og þar var ég að fjalla um sambandið á milli neyslumenningar og þeirrar sýnar sem við höfum á náttúruna sem hreint fyrirbæri. Það sem pallíetturnar gerðu var að endurvarpa út í umhverfið hinni síbreytilegri birtu eftir tíma og veðri.“Ég á íslenskan mann og bæði börnin okkar eru fædd hér á Íslandi, þannig að við eigum djúpa tengingu hér á landi, segir Theresa.Birtan leikur líka hlutverk í nýja verkinu. „Sólarslóð sýnir hreyfingu sólarinnar yfir eins árs tímabil með tólf brotalínum. Þær teikna upp hin óskýru mörk á milli sólarljóssins og skuggans sem veggurinn á Hálsatorgi varpar á sjálfan sig. Hver brotalína áætlar hæstu stöðu sólar á 21. degi hvers mánaðar ársins. Línan er máluð með hvítri vegamálningu sem blönduð er örsmáum glerperlum. Þegar sólin skín á vegginn virkjast listaverkið og perlurnar endurspegla hin síbreytilegu sjónarhorn sem myndast á milli sólarinnar og áhorfandans. Þegar sólar nýtur ekki við, minnir verkið á síendurtekna hringrás sólarinnar. Á sama tíma vísar hin hvíta sindrandi vegamálning til annars konar hryns; umferðarinnar sem flæðir undir Hálsatorg, í kringum brúna,“ segir í fréttabréfi frá Kópavogsbæ.Þar koma líka fram eftirfarandi ummæli frá Soffíu Karlsdóttur, forstöðumanni menningarmála þar: „Verk Theresu Himmer við Hálsatorg hefur mikla listræna þýðingu fyrir Kópavogsbæ og mun verða eitt af kennileitum bæjarins.“ Nú er listakonan Theresa flutt aftur til Danmerkur. „Það var ekki létt ákvörðun, þannig séð, en það var mikilvægt fyrir okkur öll í fjölskyldunni að prófa það,“ segir hún og útskýrir það nánar: „Ég saknaði fjölskyldunnar minnar úti þó mér líði líka eins og heima á Íslandi. Ég á íslenskan mann og bæði börnin okkar eru fædd hér á Íslandi þannig að við eigum djúpa tengingu hér á landi.“ Nóg er að gera hjá Theresu beggja vegna sundsins að eigin sögn. „Ég er að undirbúa nokkur verk til sýninga á ólíkum stöðum í framtíðinni. Það eru ekki endilega útiverk heldur eru þau líka fyrir söfn og myndlistargallerí. Þar er meðal annars nokkurs konar framhald af því sem ég sýndi í Hverfisgalleríi síðasta haust. Allt er ein keðja!“ Birtist í Fréttablaðinu Myndlist Mest lesið „Svo góð tilfinning að endurheimta sjálfa sig“ Tónlist Fékk að heyra að konur ættu ekki heima á sjó Lífið Kosningavökur frambjóðenda: Hvar verða mestu fagnaðarlætin? Lífið Segir brjóst myndast við mikla bjórdrykkju Lífið „Tilfinningaþrungið að fá að fylgja myndinni í flík sem þessari“ Tíska og hönnun Fréttatía vikunnar: Kosningar, eldgos og meistarar Lífið The Lazarus Project: Varúð, veldur svefnleysi Gagnrýni Erna Ómars er borgarlistamaður Reykjavíkur Menning Frambjóðendum gekk misvel í hraðaspurningum Lífið Af vængjum fram: Grínaðist alltaf með að láta húðflúra einstefnuskilti á rassgatið Lífið Fleiri fréttir Erna Ómars er borgarlistamaður Reykjavíkur „Svolítið eins og að standa nakinn inni í vita“ Líf og fjör á Grímunni Ást Fedru og Saknaðarilmur fengu fern Grímuverðlaun hver Margrét Helga hlýtur heiðursverðlaun Grímunnar „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Sjá meira
Veggverkið Sólarslóð myndgerir í raun hreyfingu sólarinnar í gegnum heilt ár og er málað með vegamálningu, enda á það að standa,“ segir listakonan Theresa Himmer, sem er höfundur nýs útilistaverks í hjarta Kópavogs. Hún kveðst sækja sér innblástur í verk Gerðar Helgadóttur myndlistarkonu sem Gerðarsafn í Kópavogi heitir eftir. „Með Sólarslóð tengi ég gang sólar um himinhvolfið við Kópavog, við skipulag hjarta bæjarins, leiðir og stíga. Um leið er ég að votta Gerði virðingu mína og þeirri sérstöðu sem hún hefur sem listamaður í bæjarfélaginu og víðar,“ segir Theresa sem er dönsk en bjó á Íslandi í um áratug og hefur tekið virkan þátt í íslenskri myndlistarsenu. Eitt verka hennar er í eigu Gerðarsafns og er einmitt á sýningunni Útlínur sem þar stendur yfir. Sólarslóð er ekki heldur fyrsta útilistaverkið eftir hana Theresu sem sett er upp hér á landi heldur er hún búin að gera nokkur opinber myndlistarverk á síðustu tíu árum. „Kannski þekkir fólk best verkin sem ég gerði í á útiveggi í miðborg Reykjavíkur á árunum 2006-2008 sem voru gerð úr pallíettum en þó innblásin af náttúrunni á Íslandi. Þar voru foss, jökull og eldgos. Þau voru tímabundin og þar var ég að fjalla um sambandið á milli neyslumenningar og þeirrar sýnar sem við höfum á náttúruna sem hreint fyrirbæri. Það sem pallíetturnar gerðu var að endurvarpa út í umhverfið hinni síbreytilegri birtu eftir tíma og veðri.“Ég á íslenskan mann og bæði börnin okkar eru fædd hér á Íslandi, þannig að við eigum djúpa tengingu hér á landi, segir Theresa.Birtan leikur líka hlutverk í nýja verkinu. „Sólarslóð sýnir hreyfingu sólarinnar yfir eins árs tímabil með tólf brotalínum. Þær teikna upp hin óskýru mörk á milli sólarljóssins og skuggans sem veggurinn á Hálsatorgi varpar á sjálfan sig. Hver brotalína áætlar hæstu stöðu sólar á 21. degi hvers mánaðar ársins. Línan er máluð með hvítri vegamálningu sem blönduð er örsmáum glerperlum. Þegar sólin skín á vegginn virkjast listaverkið og perlurnar endurspegla hin síbreytilegu sjónarhorn sem myndast á milli sólarinnar og áhorfandans. Þegar sólar nýtur ekki við, minnir verkið á síendurtekna hringrás sólarinnar. Á sama tíma vísar hin hvíta sindrandi vegamálning til annars konar hryns; umferðarinnar sem flæðir undir Hálsatorg, í kringum brúna,“ segir í fréttabréfi frá Kópavogsbæ.Þar koma líka fram eftirfarandi ummæli frá Soffíu Karlsdóttur, forstöðumanni menningarmála þar: „Verk Theresu Himmer við Hálsatorg hefur mikla listræna þýðingu fyrir Kópavogsbæ og mun verða eitt af kennileitum bæjarins.“ Nú er listakonan Theresa flutt aftur til Danmerkur. „Það var ekki létt ákvörðun, þannig séð, en það var mikilvægt fyrir okkur öll í fjölskyldunni að prófa það,“ segir hún og útskýrir það nánar: „Ég saknaði fjölskyldunnar minnar úti þó mér líði líka eins og heima á Íslandi. Ég á íslenskan mann og bæði börnin okkar eru fædd hér á Íslandi þannig að við eigum djúpa tengingu hér á landi.“ Nóg er að gera hjá Theresu beggja vegna sundsins að eigin sögn. „Ég er að undirbúa nokkur verk til sýninga á ólíkum stöðum í framtíðinni. Það eru ekki endilega útiverk heldur eru þau líka fyrir söfn og myndlistargallerí. Þar er meðal annars nokkurs konar framhald af því sem ég sýndi í Hverfisgalleríi síðasta haust. Allt er ein keðja!“
Birtist í Fréttablaðinu Myndlist Mest lesið „Svo góð tilfinning að endurheimta sjálfa sig“ Tónlist Fékk að heyra að konur ættu ekki heima á sjó Lífið Kosningavökur frambjóðenda: Hvar verða mestu fagnaðarlætin? Lífið Segir brjóst myndast við mikla bjórdrykkju Lífið „Tilfinningaþrungið að fá að fylgja myndinni í flík sem þessari“ Tíska og hönnun Fréttatía vikunnar: Kosningar, eldgos og meistarar Lífið The Lazarus Project: Varúð, veldur svefnleysi Gagnrýni Erna Ómars er borgarlistamaður Reykjavíkur Menning Frambjóðendum gekk misvel í hraðaspurningum Lífið Af vængjum fram: Grínaðist alltaf með að láta húðflúra einstefnuskilti á rassgatið Lífið Fleiri fréttir Erna Ómars er borgarlistamaður Reykjavíkur „Svolítið eins og að standa nakinn inni í vita“ Líf og fjör á Grímunni Ást Fedru og Saknaðarilmur fengu fern Grímuverðlaun hver Margrét Helga hlýtur heiðursverðlaun Grímunnar „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Sjá meira