Veiði

86 sm lax úr Elliðaánum

Karl Lúðvíksson skrifar
86 sm hængur sem Ásgeir Heiðar veiddi i morgun.
86 sm hængur sem Ásgeir Heiðar veiddi i morgun. Mynd: Marínó Guðmundsson
Elliðaárnar hafa ekki verið þekktar sem nein stórlaxaá en það er ótrúlegt að sjá hvað það hefur veiðst mikið af tveggja ára löxum á þessum fáu dögum sem áin hefur verið opin.



Núna í morgun bættist svo enn einn stórlaxinn í veiðibókina og það var sjálfur meistarinn Ásgeir Heiðar sem veiddi 86 sm hæng. Okkur hefur ekki tekist að ná í Ásgeir enda kannski ekkert skrítið að veiðimenn séu ekki að svara símanum í veiði þannig að við vitum ekki hvað hann tók eða hvar.



Það rekur engan í minni að svona stórlaxaopnun hafi áður átt sér stað í ánni og því er að sjálfsögðu fagnað. Það hefur vakið athygli að sjá svona mikið af vænum laxi í Elliðaánum en það sem veiðimenn bíða eftir þessa dagana er aukin kraftur í smálaxagöngur en þær koma venjulega á vesturlandið með stórstraum í lok júní byrjun júlí svo það styttist væntanlega í að við förum að sjá veiðitölur taka verulegan kipp.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.