Innlent

Endurflytja þurfti mál vegna tafa í héraði

Aðalheiður Ámundadóttir skrifar
Málið er til meðferðar í Héraðsdómi Norðurlands eystra á Akureyri.
Málið er til meðferðar í Héraðsdómi Norðurlands eystra á Akureyri.

Dómur yfir manni sem ákærður var í byrjun árs fyrir tilraun til manndráps verður kveðinn upp í héraðsdómi Norðurlands eystra á morgun. Málið var endurflutt fyrir helgi vegna þess hve langt er liðið frá því aðalmeðferð fór fram í málinu.

Aðalmeðferð málsins fór fram 11. mars síðastliðinn, fyrir 15 vikum, en samkvæmt viðmiðunarreglum um málshraða er miðað við að dómur sé kveðinn upp í málum innan fjögurra vikna frá aðalmeðferð.

Dómsuppsaga í málinu var á dagskrá dómsins 6. maí síðastliðinn en var frestað vegna veikinda.

Ákærða er gefið að sök að hafa stungið annan mann ítrekað fyrir utan hraðbanka í miðbæ Akureyrar 3. nóvember síðastliðinn. Brotaþolinn hlaut fjölda stungusára og skurða um andlit og líkama og tvö höfuðkúpubrot í árásinni. Hann fer fram á rúmar 5 milljónir í bætur úr hendi ákærða.

Verði ákærði fundinn sekur á hann yfir höfði sér fangelsisdóm en samkvæmt dómaframkvæmd er algeng refsing fyrir tilraun til manndráps fimm ár í fangelsi.


Tengdar fréttir

Mun alltaf bera ör eftir árásina

Héraðssaksóknari hefur gefið út ákæru á hendur manni fyrir tilraun til manndráps í miðbæ Akureyrar í nóvember. Þolandinn hlaut tíu stungusár og tvö höfuðkúpubrot og verður lengi að jafna sig af áfallinu.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.