Viðskipti innlent

Jarðböðin hagnast um rúmlega 300 milljónir

Þorsteinn Friðrik Halldórsson skrifar
Frá jarðböðunum.
Frá jarðböðunum.
Jarðböðin á Mývatni högnuðust um 313 milljónir króna á síðasta ári. Hagnaðurinn jókst lítillega á milli ára en hann nam 294 milljónum á árinu 2017. Heildarvelta félagsins jókst um 100 milljónir en hún nam 922 milljónum króna samanborið við 821 milljón króna á árinu 2017.



Stærstu hluthafarnir í Jarðböðunum eru fjárfestingafélagið Tækifæri, sem er aðallega í eigu KEA, Íslenskar heilsulindir, sem er dótturfélag Bláa lónsins, og Landsvirkjun. Í árslok 2018 voru Jarðböðin metin á um 4,6 milljarða króna í bókum Tækifæris sem fer með 43,8 prósenta hlut. Í upphafi árs 2018 voru hluthafar í félaginu 74 en 68 í lok árs.



Jarðböðin voru opnuð sumarið sumarið 2004 og hefur baðgestum fjölgað verulega á síðustu árum. Árið 2017 komu rúmlega 218 þúsund baðgestir í jarðböðin.



Í ársreikningi félagsins kemur fram að ákveðið hafi verið að hefja framkvæmdir við nýtt og stærra baðhús og baðlón á svæði félagsins þar sem núverandi aðstaða anni vart lengur þeim mikla fjölda gesta sem sækir jarðböðin, sérstaklega á háannatíma. Áætlanir stjórnenda gera ráð fyrir að ný aðstaða verði tilbúin á miðju ári 2021.



Tengd skjöl




Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
TM
4,09
11
228.139
REITIR
2,6
13
126.458
HAGA
2,36
10
74.495
EIK
2,21
8
59.491
VIS
2,18
10
316.007

Mesta lækkun dagsins


Félag
Br.%
Fjöldi
Velta*
ICEAIR
0
6
1.275
Velkomin á Vísi. Þessi vefur notar vafrakökur. Sjá nánar.