Skjálfandafljót opnaði í gær fyrir veiði en þessi magnaða á hefur hingað til verið eitt best geymda leyndarmál laxveiðimanna norðan heiða.

Áinn hefur allt til að bera til að kallast mögnuð áskorun á veiðimenn en veiðin í henni er líka góð. Þarna veiðist lax, bleikja, sjóbleikja og sjóbirtingur en flestir sem leggja leið sína þangað eru að elta stórlaxa sem þarna veiðast á hverju sumri. Þrátt fyrir oft furðulega litla ástundun er veiðin góð og meðalþyngdin þarna eins og menn þekkja úr norðlensku ánum.

Við opnun komu alls 6 laxar á land og 2 misstir, mjög fín byrjun á vonandi mjög góðu sumri. Það voru stjórnarmenn í stangveiðifélaginu fljótsmenn sem opnuðu og formaðurinn Sveinn Aðalgeirsson veiddi fyrsta Laxinn í Barnafelli kl 7,27 á flugu. 90 cm hæng sem var svo sleppt aftur eftir glæsilega viðureign. Það eru Iceland Outfitters sem selja leyfi í ánna og þau eru bara á ansi hagstæðu verði miðað við það sem veiðimenn á Íslandi eiga að venjast.