Ægir úr leik í Argentínu eftir oddaleik
Ægir Þór Steinarsson og félagar í argentínska liðinu Regatas eru úr leik í argentínsku úrslitakeppninni í körfubolta eftir 78-73 tap gegn Instituto í oddaleik í nótt.
Instituto vann fyrstu tvo leikina á heimavelli áður en viðureignin færðist yfir á heimavöll Ægis og félaga þar sem þeir unnu tvo næstu leiki. Því var leikurinn í nótt úrslitaleikur um að komast í undanúrslit.
Instituto byrjaði af fínum krafti og var sex stigum yfir eftir fyrsta leikhlutann. Þeir leiddu einnig eftir annan leikhluta en Ægir og félagar náðu að minnka muninn aðeins í þriðja leikhluta.
#CRC | Final del 1C en Córdoba:
Instituto 23
Regatas 17
(Gallizzi 6, Steinarsson 5)#PlayoffsLaCaja #VamosParque pic.twitter.com/EeK2Ukadk9
— Club de Regatas Ctes (@ClubRegatasCtes) June 6, 2019
Í fjórða og síðasta leikhlutanum var munurinn minnst eitt stig, 70-69, en þá gáfu heimamenn í Institutu aftur í og unnu leikinn með fimm stigum, 78-73.
Ægir Þór skoraði átta stig á þeim tuttugu mínútum sem hann lék en hann er nú kominn í sumarfrí eftir langt og strangt tímabil með tveimur liðum.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
