Hóta hefndum vegna Huawei-banns Þórgnýr Einar Albertsson skrifar 17. maí 2019 07:15 Bandaríkjamenn segja Huawei stunda njósnir en kínverska fyrirtækið segir það alrangt. Nordicphotos/Getty Stjórnvöld í Kína hótuðu í gær gagnaðgerðum eftir að Donald Trump Bandaríkjaforseti undirritaði forsetatilskipun á miðvikudag um að bandarískum fyrirtækjum verði bannað að nota fjarskiptabúnað frá fyrirtækjum sem stjórnvöld telja að ógni þjóðaröryggi. Wilbur Ross, ráðherra viðskiptamála, sagði við Bloomberg í gær að sérstök forsetatilskipun um bann við viðskiptum við tæknirisann Huawei tæki gildi í dag. Að því er kom fram í yfirlýsingu frá bandaríska forsetaembættinu er fyrri tilskipunin til þess gerð að „skýla Bandaríkjamönnum fyrir erlendum andstæðingum sem skapa og nýta sífellt oftar öryggisgalla í tækniinnviðum“. Lu Kang, upplýsingafulltrúi kínverska utanríkisráðuneytisins, sagði í gær að stjórnvöld í Peking væru andsnúin því að önnur ríki ákvæðu einhliða að beita kínversk fyrirtæki þvingunum. Breska ríkisútvarpið hafði eftir Lu að von væri á gagnaðgerðum. Ekki liggur hins vegar fyrir hverjar þær aðgerðir verða. „Við krefjumst þess að Bandaríkin láti af þessum starfsháttum og beiti sér í staðinn fyrir bættu viðskipta- og samstarfsumhverfi,“ sagði Lu sem sakaði Trump um að sigla undir fölsku flaggi. Hann bæri fyrir sig þjóðaröryggi þegar tilgangurinn með tilskipuninni væri að spilla fyrir kínversku hagkerfi. Bandaríkjastjórn og bandarískar öryggisstofnanir hafa ítrekað haldið því fram að Huawei nýti snjallsíma sína og aðra tækni til njósna fyrir hönd kínverskra yfirvalda. Því hefur fyrirtækið ítrekað neitað. Bandaríkjamenn hafa sömuleiðis þrýst á bandamenn sína að leyfa Huawei ekki að koma að uppbyggingu 5G-fjarskiptanets. Kenneth Fredriksen, forstjóri Huawei í Svíþjóð og á Íslandi, sagði í viðtali við Fréttablaðið í febrúar að ásakanir væru alrangar. „Staðreyndin er sú að það hafa engin gögn verið lögð fram sem styðja þessar ásakanir. Við höfum heyrt margbreytilegar staðhæfingar frá Bandaríkjunum og verið sökuð um ýmislegt. En það eru engin sönnunargögn sem liggja fyrir.“ Fyrirtækið sendi frá sér yfirlýsingu um bandarísku forsetatilskipunina í gær þar sem það endurtók fyrri staðhæfingar um að Bandaríkjamönnum stafaði engin ógn af Huawei. „Takmarkanir á viðskiptum Huawei í Bandaríkjunum munu ekki styrkja Bandaríkin eða auka á öryggi ríkisins. Þess í stað munu takmarkanir sem þessar stuðla að því að Bandaríkin neyðist til þess að skipta við dýrari en jafnframt síður hæfa keppinauta og þannig dragast aftur úr í 5G-væðingunni. Það bitnar á hagsmunum bandarískra fyrirtækja og neytenda.“ Orðspor fárra tæknifyrirtækja hefur beðið jafnmikinn hnekki á undanförnum mánuðum og orðspor Huawei. Ef til vill að Facebook undanskildu. Huawei berst með kjafti og klóm gegn njósnaásökunum og nú síðast á þriðjudag bauð Liang Hua stjórnarformaður að fyrirtækið skrifaði undir bindandi samninga við stjórnvöld á Bretlandi um að engar njósnir yrðu stundaðar þar í landi. Þjóðaröryggisráð Breta samþykkti í apríl að leyfa Huawei að koma að uppbyggingu 5G-fjarskiptanets. Bandaríkin Birtist í Fréttablaðinu Huawei Kína Tækni Mest lesið Magnús eignast Latabæ á nýjan leik Viðskipti innlent Snillingur í útlöndum: „Þegar vinirnir keyptu sér nammi keypti ég mér diskókúlur“ Atvinnulíf Starfsfólk fær 150 milljónir í hlutabréfum Viðskipti innlent Ráðin framkvæmdastjóri Rue de Net Viðskipti innlent Nýjung í bílaviðskiptum á netinu – Bland og Frágangur í samstarf Samstarf Hraðhleðslur spretta upp sem gorkúlur - tvær opna á Þórshöfn Samstarf Polestar 4 kominn í Polestar Reykjavík – umhverfisvænasti bíll Polestar Samstarf Ætlar að gera Grillhúsið að heitasta staðnum í Borgarnesi Viðskipti innlent Eigendur TGI Fridays kaupa Grillhúsið Viðskipti innlent Tilnefndur sem besti leikur fyrir snjalltæki á Norðurlöndum Viðskipti innlent Fleiri fréttir Apple biðst afsökunar á auglýsingu fyrir nýjan iPad Rannsaka hvort Tesla hafi blekkt neytendur og fjárfesta Taka bóluefni AstraZeneca úr sölu vegna dvínandi eftirspurnar Tekjur Apple drógust saman enn eina ferðina Stofnandi Binance dæmdur fyrir peningaþvætti Sagðir vilja frekar loka TikTok en selja Sækjast eftir fangelsisdómi yfir rafmyntakóngi Mikill samdráttur á hagnaði Tesla Ný kynslóð vélmenna vekur óhug Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Sjá meira
Stjórnvöld í Kína hótuðu í gær gagnaðgerðum eftir að Donald Trump Bandaríkjaforseti undirritaði forsetatilskipun á miðvikudag um að bandarískum fyrirtækjum verði bannað að nota fjarskiptabúnað frá fyrirtækjum sem stjórnvöld telja að ógni þjóðaröryggi. Wilbur Ross, ráðherra viðskiptamála, sagði við Bloomberg í gær að sérstök forsetatilskipun um bann við viðskiptum við tæknirisann Huawei tæki gildi í dag. Að því er kom fram í yfirlýsingu frá bandaríska forsetaembættinu er fyrri tilskipunin til þess gerð að „skýla Bandaríkjamönnum fyrir erlendum andstæðingum sem skapa og nýta sífellt oftar öryggisgalla í tækniinnviðum“. Lu Kang, upplýsingafulltrúi kínverska utanríkisráðuneytisins, sagði í gær að stjórnvöld í Peking væru andsnúin því að önnur ríki ákvæðu einhliða að beita kínversk fyrirtæki þvingunum. Breska ríkisútvarpið hafði eftir Lu að von væri á gagnaðgerðum. Ekki liggur hins vegar fyrir hverjar þær aðgerðir verða. „Við krefjumst þess að Bandaríkin láti af þessum starfsháttum og beiti sér í staðinn fyrir bættu viðskipta- og samstarfsumhverfi,“ sagði Lu sem sakaði Trump um að sigla undir fölsku flaggi. Hann bæri fyrir sig þjóðaröryggi þegar tilgangurinn með tilskipuninni væri að spilla fyrir kínversku hagkerfi. Bandaríkjastjórn og bandarískar öryggisstofnanir hafa ítrekað haldið því fram að Huawei nýti snjallsíma sína og aðra tækni til njósna fyrir hönd kínverskra yfirvalda. Því hefur fyrirtækið ítrekað neitað. Bandaríkjamenn hafa sömuleiðis þrýst á bandamenn sína að leyfa Huawei ekki að koma að uppbyggingu 5G-fjarskiptanets. Kenneth Fredriksen, forstjóri Huawei í Svíþjóð og á Íslandi, sagði í viðtali við Fréttablaðið í febrúar að ásakanir væru alrangar. „Staðreyndin er sú að það hafa engin gögn verið lögð fram sem styðja þessar ásakanir. Við höfum heyrt margbreytilegar staðhæfingar frá Bandaríkjunum og verið sökuð um ýmislegt. En það eru engin sönnunargögn sem liggja fyrir.“ Fyrirtækið sendi frá sér yfirlýsingu um bandarísku forsetatilskipunina í gær þar sem það endurtók fyrri staðhæfingar um að Bandaríkjamönnum stafaði engin ógn af Huawei. „Takmarkanir á viðskiptum Huawei í Bandaríkjunum munu ekki styrkja Bandaríkin eða auka á öryggi ríkisins. Þess í stað munu takmarkanir sem þessar stuðla að því að Bandaríkin neyðist til þess að skipta við dýrari en jafnframt síður hæfa keppinauta og þannig dragast aftur úr í 5G-væðingunni. Það bitnar á hagsmunum bandarískra fyrirtækja og neytenda.“ Orðspor fárra tæknifyrirtækja hefur beðið jafnmikinn hnekki á undanförnum mánuðum og orðspor Huawei. Ef til vill að Facebook undanskildu. Huawei berst með kjafti og klóm gegn njósnaásökunum og nú síðast á þriðjudag bauð Liang Hua stjórnarformaður að fyrirtækið skrifaði undir bindandi samninga við stjórnvöld á Bretlandi um að engar njósnir yrðu stundaðar þar í landi. Þjóðaröryggisráð Breta samþykkti í apríl að leyfa Huawei að koma að uppbyggingu 5G-fjarskiptanets.
Bandaríkin Birtist í Fréttablaðinu Huawei Kína Tækni Mest lesið Magnús eignast Latabæ á nýjan leik Viðskipti innlent Snillingur í útlöndum: „Þegar vinirnir keyptu sér nammi keypti ég mér diskókúlur“ Atvinnulíf Starfsfólk fær 150 milljónir í hlutabréfum Viðskipti innlent Ráðin framkvæmdastjóri Rue de Net Viðskipti innlent Nýjung í bílaviðskiptum á netinu – Bland og Frágangur í samstarf Samstarf Hraðhleðslur spretta upp sem gorkúlur - tvær opna á Þórshöfn Samstarf Polestar 4 kominn í Polestar Reykjavík – umhverfisvænasti bíll Polestar Samstarf Ætlar að gera Grillhúsið að heitasta staðnum í Borgarnesi Viðskipti innlent Eigendur TGI Fridays kaupa Grillhúsið Viðskipti innlent Tilnefndur sem besti leikur fyrir snjalltæki á Norðurlöndum Viðskipti innlent Fleiri fréttir Apple biðst afsökunar á auglýsingu fyrir nýjan iPad Rannsaka hvort Tesla hafi blekkt neytendur og fjárfesta Taka bóluefni AstraZeneca úr sölu vegna dvínandi eftirspurnar Tekjur Apple drógust saman enn eina ferðina Stofnandi Binance dæmdur fyrir peningaþvætti Sagðir vilja frekar loka TikTok en selja Sækjast eftir fangelsisdómi yfir rafmyntakóngi Mikill samdráttur á hagnaði Tesla Ný kynslóð vélmenna vekur óhug Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Sjá meira