Viðskipti erlent

Langt í land hjá SAS og flugmönnum

Stefán Ó. Jónsson skrifar
Verkfallsaðgerðir flugmanna SAS hafa haft áhrif á ferðir 320 þúsund farþega síðustu daga.
Verkfallsaðgerðir flugmanna SAS hafa haft áhrif á ferðir 320 þúsund farþega síðustu daga. EPA/OLE BERG RUSTEN

Flugfélagið SAS hefur alls aflýst 709 ferðum í dag vegna verkfalls flugmanna. Áætlað er að ákvörðunin muni hafa áhrif á ferðaáætlanir um 54 þúsund farþega. Lítill gangur virðist vera í viðræðum flugmanna og SAS ef marka má frétt sænska ríkisútvarpsins. Viðræðurnar hófust aftur í gær, eftir að þeim var slitið í síðustu viku, og var fundað fram á nótt í Osló.

Í tilkynningu frá SAS segir að sökum vinnustöðvunarinnar hafi verið tekin ákvörðun um að fella niður 429 ferðir í dag til viðbótar við þær 280 sem áður hafði verið greint frá. Heildarfjöldi niðurfelldra ferða er því 709 sem fyrr segir.

Haft er eftir Mats Wilhelm Ruland, ríkissáttasemjara Noregs, að enn sé langt á milli deiluaðila og að engin lausn sé sem stendur í augsýn. SAS hefur greint frá því að flugmenn fari fram á 13 prósenta launahækkun. Flugfélagið segist hins vegar ekki geta boðið þeim meira en 2,3 prósent hækkun.

Sjá einnig: Strandaglópur sem pantaði þó aldrei með SAS

Stéttarfélag flugmanna hefur þó lýst því yfir að launaliðurinn sé ekki helsti ásteytingarsteinninn í viðræðunum. Flugmenn leggi frekar áherslu á breytingar á vinnufyrirkomulaginu.

Verkfallsaðgerðir hófust fyrir sex dögum síðan þegar 1409 flugmenn SAS; 372 í Danmörku, 545 í Noregi og 492 í Svíþjóð, lögðu niður störf. Talið er að aðgerðirnar hafi þegar haft áhrif á um 320 þúsund farþega. Áætlað er að kostnaður SAS vegna aðgerðanna nemi á bilinu 60 til 80 milljónum sænskra króna, allt að milljarði íslenskra króna, á degi hverjum.

Samhliða verkfallsaðgerðunum ákvað SAS að segja tímabundið upp 930 norskum flugfreyjum í gær. Uppsagnirnar taka ekki til starfsfólks í Danmörku og Svíþjóð, því þarlend vinnumarkaðslöggjöf girðir fyrir slíkar aðgerðir að sögn norskra miðla.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
EIM
2,64
22
261.354
ICEAIR
1,56
9
81.326
REGINN
1,4
16
446.712
EIK
1
14
287.832
LEQ
1
2
1.000

Mesta lækkun dagsins


Félag
Br.%
Fjöldi
Velta*
VIS
-3,16
10
134.290
SJOVA
-2,45
5
162.100
MAREL
-1,97
18
936.827
SIMINN
-1,66
6
156.170
FESTI
-1,5
6
255.290
Velkomin á Vísi. Þessi vefur notar vafrakökur. Sjá nánar.