Viðskipti innlent

Stefán tímabundið bankastjóri hjá Arion banka

Kolbeinn Tumi Daðason skrifar
Stefán Pétursson stýrir Arion banka frá 1. maí og þar til nýr bankastjóri hefur verið ráðinn.
Stefán Pétursson stýrir Arion banka frá 1. maí og þar til nýr bankastjóri hefur verið ráðinn. Arion banki

Stefán Pétursson, framkvæmdastjóri fjármálasviðs Arion banka, tekur tímabundið við starfi bankastjóra frá 1. maí og þar til stjórn bankans hefur ráðið nýjan bankastjóra til frambúðar. Þetta kemur fram í tilkynningu frá bankanum þar sem segir að stjórn hafi hafið undirbúning að ráðningu nýs bankastjóra.

Höskuldur Ólafsson sagði starfi sínu lausu sem bankastjóri þann 12. apríl. Hann lýkur störfum um mánaðarmótin en hann hefur starfað hjá bankanum í slétt níu ár. Tilkynnt var um ráðningu hans þann 23. apríl árið 2010.

Stefán er fæddur árið 1963. Hann tók við starfi framkvæmdastjóra fjármálasviðs Arion banka í ágúst 2010.

Stefán hóf störf hjá Landsvirkjun 1991, fyrst sem yfirmaður lánamála en sem deildarstjóri fjármáladeildar frá 1995. Frá árinu 2002 var Stefán framkvæmdastjóri fjármálasviðs Landsvirkjunar auk þess sem hann sat í samninganefnd fyrirtækisins við orkufrekan iðnað. Stefán var í leyfi frá Landsvirkjun á árinu 2008 er hann stýrði fjárfestingarfélaginu Hydro-Kraft Invest hf. Á árunum 1986 til 1989 starfaði Stefán sem skrifstofustjóri hjá Rannsóknarstofnun fiskiðnaðarins. Stefán hefur gegnt fjölda trúnaðar- og stjórnunarstarfa á undanförnum árum. Hann situr nú í stjórn Valitor hf. og Tryggingarsjóðs innstæðueigenda og fjárfesta fyrir hönd SFF.

Stefán útskrifaðist með MBA-gráðu frá Babson College í Massachusetts í Bandaríkjunum árið 1991 og cand.oecon.-gráðu í viðskiptafræði frá Háskóla Íslands árið 1986.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
EIK
2,75
23
450.310
REGINN
2,19
14
342.698
ICEAIR
2,1
26
150.345
HAGA
2,02
5
64.712
SKEL
1,62
5
101.370

Mesta lækkun dagsins


Félag
Br.%
Fjöldi
Velta*
BRIM
-0,83
5
1.252.011
ARION
-0,66
11
179.834
KVIKA
-0,48
2
4.035
Velkomin á Vísi. Þessi vefur notar vafrakökur. Sjá nánar.