Viðskipti innlent

Götubitahátíð á Miðbakkanum þriðju helgina í júlí

Kolbeinn Tumi Daðason skrifar
Götubitahátíðin verður á Miðbakkanum.
Götubitahátíðin verður á Miðbakkanum. Fréttablaðið/Ernir

Götubitahátíð verður haldin á Miðbakkanum í Reykjavík helgina 19.-21. júlí í sumar. Róbert Aron Magnússon, forsvarsmaður Reykjavík Street Food, segir að um sé að ræða fyrstu götubitahátíðina hér á landi þar sem götubiti er seldur í gámum, matvögnum og tjöldum.

„Einnig verða básar fyrir pop up verlsanir, bar, kaffi sölu og matarmarkað ásamt öðru skemmtilegum nýjungum. Boðið uppá skemmtanir að ýmsum toga eins og plötusnúðar, tónlistamenn o.fl.,“ segir Róbert í tilkynningu. 

Samhliða hátíðinni verði haldin fyrsta keppnin í Iceland Street Food Awards þar sem fjölmargir íslenskir aðilar muni keppa upp titilinn besti Götubitinn 2019. Sigurvegarinn keppi svo fyrir Íslands hönd í European Street Food Awards í Svíþjóð í september.

Heimsþekktir dómarar innan matvælageirans dæma í keppninni í Malmö að sögn Róberts.

„Nú þegar hafa mjög margir söluaðilar sýnt áhuga á að taka þátt í keppninni hérlendis. Einnig erum við í viðræðum við mjög spennandi aðila að taka að sér sæti í dómnefnd, en það verður tilkynnt nánar síðar,“ segir Róbert en selt er inn á hátíðina.

Aðspurður segir Róbert að miðaverði verði stillt í hóf, eins og „alvöru street food“ segi til um. Viðræður við söluaðila standi yfir og í framhaldinu verði útfærslur kynntar og dagskráin sömuleiðis. Nú þegar hafi um tuttugu aðilar skráð sig til leiks.

Fram kom á dögunum að Reykjavíkurborg og Faxaflóahafnir væru komin í samstarf um að endurheimta Miðbakkann sem almannarými. Í dag eru þar bílastæði.

„Við erum með beiðni um samstarf frá Boxinu-matarmarkaði. Það eru hugmyndir uppi um brettagarð, boltavöll, mögulegt samstarf við Listasafn Reykjavíkur. Í núverandi skipulagi er gert ráð fyrir móttökuhúsi fyrir skemmtiferðaskipin, það gæti verið fjölnota hús,“ sagði Kristín Soffía Jónsdóttir, borgarfulltrúi Samfylkingarinnar og stjórnarformaður Faxaflóahafna, við Fréttablaðið í mars.

Reykjavík Street Food stóð fyrir Boxinu-matarmarkaði í Skeifunni sumarið 2018. Þá stóð markaðurinn yfir í níu vikur en eins og höfuðborgarbúar muna vafalítið eftir var fátt um fína drætti hvað veðrið varðaði stærstan hluta sumars.

„Ég fékk tvo sólardaga á níu vikum,“ segir Róbert Aron og hlær. Hann veðji því á júlí enda mestar líkur á góðu veðri. Sólardagarnir tveir í fyrra hafi einmitt komið í júlí.


Tengdar fréttir

Reykjavík Street Food heldur áfram

Upprunalega stóð til að loka markaðinum í lok júlí en vegna eftirspurnar var ákveðið að framlengja dvöl hans í Skeifunni.

Markmiðið að kynna alvöru street food

Box verður götumarkaður þar sem hægt verður að kaupa sér spennandi götumat, tísku og horfa á HM í knattspyrnu – allt saman í Skeifunni. Herlegheitin munu verða opin frá 1. júní til 29. júlí í sumar.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
HEIMA
4,27
1
458
SIMINN
2,25
25
930.473
BRIM
1,39
2
349
MAREL
1,38
24
571.432
REITIR
1,22
3
123.480

Mesta lækkun dagsins


Félag
Br.%
Fjöldi
Velta*
FESTI
-1,59
3
186.188
TM
-0,63
1
712
KVIKA
0
4
5.881
ICEAIR
0
15
58.432
EIK
0
2
51.510
Velkomin á Vísi. Þessi vefur notar vafrakökur. Sjá nánar.