Viðskipti innlent

Mannauður Arion á borði Helgu

Stefán Ó. Jónsson skrifar
Helga Halldórsdóttir
Helga Halldórsdóttir Arion
Helga Halldórsdóttir hefur tekið við starfi forstöðumanns mannauðs hjá Arion banka, að því er fram kemur í tilkynningu frá Arion.

Þar er ferill hennar rakinn en Helga hefur starfað hjá bankanum og fyrirrennara hans í um 12 ár og er viðskiptafræðingur að mennt frá Háskóla Íslands. Hún hóf störf í innri endurskoðun árið 2007 en áður starfaði hún á endurskoðunarsviði Seðlabanka Íslands.

Helga færði sig yfir á þróunar- og markaðssvið Arion banka árið 2012 þar sem hún starfaði við innleiðingu á straumlínustjórnun í bankanum. Hún tók við starfi liðsstjóra straumlínustjórnunar innan mannauðsdeildar bankans árið 2015 og hefur gegnt því starfi síðan þá.






Fleiri fréttir

Sjá meira


×