Viðar opnaði markareikninginn fyrir Hammarby

Viðar Örn Kjartansson opnaði markareikning sinn fyrir Hammarby í sænsku úrvalsdeildinni í 2-1 tapi gegn Helsingborgs í Íslendingaslag í kvöld.

Mohammed Abubakari kom Helsingborg yfir eftir stundarfjórðung en fjórum mínútum síðar jafnaði Viðar Örn Kjartansson metin með sínu fyrsta marki í Svíþjóð eftir komuna frá Rostov.

#Bajenpic.twitter.com/DV3kl51EEk

— Hammarby Fotboll (@Hammarbyfotboll) April 15, 2019

Sigurmark Helsingborgs kom hins vegar átta mínútum fyrir leikslok en Andri Rúnar Bjarnason var ekki í leikmannahópi Helsingborgs vegna meiðsla sem er í öðru sætinu. Viðar spilaði allan leikinn fyrir Hammarby sem er með tvö stig eftir þrjá leiki.

Eggert Gunnþór Jónsson spilaði allan leikinn í 1-0 tapi gegn AGF á heimavelli í danska boltanum. SönderjyskE er í þriðja sæti í fjögurra liða riðli í umspili um fall er þrjár umferðir eru eftir af riðlinum.