Veiði

Sporðaköst byrja í kvöld á Stöð 2

Karl Lúðvíksson skrifar
Rabbi og Jonni við tökur á þættinum í Miðfjarðará
Rabbi og Jonni við tökur á þættinum í Miðfjarðará Mynd: Eggert Skúlason
Frá því að það fréttist að ný sería af Sporðaköstum sé væntanleg hafa veiðimenn beðið með mikilli eftirvæntingu eftir þáttunum.



Nú er biðin á enda því þættirnir hefja göngu sína á Stöð 2 í kvöld og fyrsti þátturinn tekinn upp í Miðfjarðará. Í öðrum þáttum í nýju seríunni voru meðal annars veiddar  ránbleikjur í Hafralóni, ágústveiði í Laxá í Dölum, bleikja og urriða í Köldukvísl og svo var markmið að veiða 20 punda lax í Víðidalsá, en það var líklega valið vitlaust ár til að ná því markmiði, og lokaþátturinn er svo í Selá í Vesturdalsá en þar er veitt með James Ratcliffe.



"Heyri mikla spennu hjá veiðimönnum. Vissulega er mikil pressa en ég er mjög ánægður með þáttinn í kvöld og veit hann er veisla fyrir óþolinmóða veiðimenn sem bíða óþreyjufullir eftir veiðinni" sagði Eggert Skúlason þegar við heyrðum í honum. 



Fyrir þá sem vilja rifja upp gömlu þættina þá eru 22 gamlir Sporðakastaþættir komnir inn á Stöð 2 Maraþon. Þessir þættir voru teknir upp á árunum 1993 - 1999. Þættirnir voru á sínum tíma sýndir á Stöð 2 og hluti af þeim var gefinn út á VHS - spólum. Eitthvað af þessu efni hefur verið hægt að nálgast á Youtube eða einhverjum deilingarsíðum en í ákaflega misjöfnum gæðum. Þessir þættir eru í eins góðum gæðum og tækni á síðustu öld leyfir. Þegar þeir verða komnir í sýningu verður farið yfir þættina á Facebooksíðu Sporðakasta og þar verður fjallað um hvaða efni þetta er og hverjir koma við sögu. Þú getur skoðað sýnishorn af þáttunum hér.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.