Viðskipti innlent

1,3 milljarðar í rekstrar­af­gang hjá Kópa­vogs­bæ

Sunna Kristín Hilmarsdóttir skrifar
Ármann Kr. Ólafsson bæjarstjóri Kópavogs.
Ármann Kr. Ólafsson bæjarstjóri Kópavogs. Fréttablaðið/Anton Brink

Rekstrarafgangur Kópavogsbæjar á árinu 2018 nam 1,3 milljörðum króna. Er það betri afkoma en gert hafði verið ráð fyrir í fjárhagsáætlun þar sem áætlað var að afgangurinn yrði 798 milljónir króna.

Í tilkynningu bæjarins vegna ársreiknings hans segir að skuldahlutfall hafi verið 108 prósent í árslok 2018 og haf þannig lækkað úr 133 prósentum frá árslokum 2017.

„Afkoma bæjarins er helmingi betri en við höfðum reiknað með sem sýnir enn og aftur hversu sterkur rekstur bæjarins er. Þessi niðurstaða er einkar ánægjuleg í ljósi þess að við lækkuðum fasteignaskatta- og gjöld á íbúðar- og atvinnuhúsnæði. Við erum líka með útsvar undir lögbundnu hámarki og höfum ekki hækkað gjaldskrár í samræmi við kostnaðarhækkanir. Í Kópavogi hafa verið ýmis konar umsvifamiklar framkvæmdir en við höfum ekki tekið nein lán fyrir þeim framkvæmdum. Það eru hins vegar blikur á lofti og engin vafi á því að rekstur sveitarfélaga verður erfiðari í ár en í fyrra. Fall Wow Air og annar fyrirséður samdráttur í ferðaþjónustu hefur áhrif bæði á skatttekjur og velferðarútgjöld. Því er mikilvægt að sýna skynsemi og aðhald í rekstri,“ er haft eftir Ármanni Kr. Ólafssyni, bæjarstjóra, í tilkynningu.

Þar kemur jafnframt fram að fjárfest hafi verið fyrir 3,6 milljarða í eigum bæjarins en stærsta einstaka framkvæmdin var bygging nýs íþróttahúss við Vatnsendaskóla sem nýtist bæði skólanum og íþróttafélaginu Gerplu.

Þá voru vaxtaberandi skuldir í ársreikningi 2018 30,8 milljarðar. Ekki voru tekin ný lán á árinu 2018 fyrir framkvæmdum og alls greiddir 3,2 milljarðar í afborganir lána.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
SJOVA
2,53
12
184.232
ICEAIR
2
25
218.726
TM
1,64
3
40.650
SYN
1,48
8
74.284
ORIGO
1,12
4
39.306

Mesta lækkun dagsins


Félag
Br.%
Fjöldi
Velta*
KVIKA
-1,09
2
14.507
REGINN
-0,99
4
62.307
EIM
-0,81
1
173
HEIMA
-0,79
2
42.030
SIMINN
-0,68
3
11.947
Velkomin á Vísi. Þessi vefur notar vafrakökur. Sjá nánar.