Viðskipti innlent

Icelandair rís

Stefán Ó. Jónsson skrifar
Vél Icelandair á Keflavíkurflugvelli í vetrarveðri liðinnar viku.
Vél Icelandair á Keflavíkurflugvelli í vetrarveðri liðinnar viku. Vísir/Vilhelm
Gengi hlutabréfa Icelandair hefur styrkst töluvert frá opnun markaða í morgun. Sem stendur nemur hækkunin um 6,88 prósentum í 132 milljón króna viðskiptum.

Ætla má að rekja megi þessa hækkun til fregna morgunsins af 5,6 milljarða kaupum bandaríska fjárfestingasjóðsins PAR Capital Management á 11,5 prósenta hlut í flugfélaginu.

Önnur félög í Kauphöllinni hafa að sama skapi hækkað, flest á bilinu 1 til 4 prósent - að frátöldum bréfum í Arion banka sem hafa lækkað um 5,5 prósent í morgun í 6,2 milljarða króna viðskiptum. 

Þessa sveiflu má að sama skapi rekja til stórra frétta en í gær var greint frá því að stærsti einstaki eigandi í Arion banka hefði í hyggju að selja 10 prósent hlut í bankanum. Miðað við markaðsvirði í gær var virði þess hlutar um 15,3 milljarðar króna.

Þá hefur krónan styrkst lítillega í morgun gagnvart öllum helstu viðskiptamyntum.


Tengdar fréttir






Fleiri fréttir

Sjá meira


×