Viðskipti innlent

50 milljóna króna bætur

Jóhann Óli Eiðsson skrifar
Málið á rætur að rekja til ársins 2004.
Málið á rætur að rekja til ársins 2004. Vísir/Vilhelm
Síminn hf. var fyrir helgi dæmt af Héraðsdómi Reykjavíkur til að greiða TSC ehf. 50 milljónir króna í bætur vegna samkeppnislagabrota. Þá þarf Síminn að greiða vexti og dráttarvexti af upphæðinni auk sex milljóna í málskostnað.

Málið á rætur að rekja til ársins 2004 þegar Síminn, þá Landssími Íslands, festi kaup á Íslenska sjónvarpsfélaginu, rekstraraðila Skjás Eins.

Samkeppnisráð heimilaði samrunann að ákveðnum skilyrðum uppfylltum. TSC taldi Símann hafa brotið gegn þeim skilyrðum og var það niðurstaða Samkeppniseftirlitsins og síðar dómstóla.

Málið nú var höfðað til greiðslu bóta vegna þess brots. Upphafleg krafa hljóðaði upp á 108 milljónir en það var niðurstaða yfirmatsmanna um tjónið. Dómurinn féllst ekki á það og lagði undirmat til grundvallar






Fleiri fréttir

Sjá meira


×