Leita upplýsinga um leka til RÚV í tölvupóstum Más Stefán Ó. Jónsson skrifar 27. mars 2019 11:42 Már Guðmundsson, seðlabankastjóri, og Rannveig Júníusdóttir, framkvæmdastjóri gjaldeyriseftirlits bankans, á fundinum í morgun. Vísir/vilhelm Seðlabankinn telur sig hafa ætíð farið að lögum í öllum þeim aðgerðum sem hann greip til við framfylgd gjaldeyrishafta, miðað við þær upplýsingar sem bankinn hafði á hverjum tíma. Ekki hafi hins vegar bætt úr skák að skilaboðin sem Seðlabankinn fékk um lagastoðina fyrir refsiheimildum sínum hafi stangast á í einhverjum málum. Hann hafi reglulega staldrað við þegar upp kom vafi um lögmæti aðgerða bankans og leitað lögfræðiálits á mörgum stigum mála. Þrátt fyrir að hann hafi starfað í góðri trú sé ekki útilokað að stjórnsýsla Seðlabankans hafi brugðist í einhverjum málum, t.a.m. Samherjamálinu sem var til umfjöllunar á fundi stjórnskipunar- og eftirlitsnefndar Alþingis í morgun.Rökstuddur grunur? Már Guðmundsson, seðlabankastjóri, og Rannveig Júníusdóttir, framkvæmdastjóri gjaldeyriseftirlits bankans, svöruðu þar spurningum nefndarmanna sem var tíðrætt um umdeilda húsleit í höfuðstöðvum Samherja. Leitin var unnin í samstarfi gjaldeyriseftirlits Seðlabankans og embættis sérstaks saksóknara og framkvæmd í húskynnum Samherja á Akureyri og í Reykjavík fyrir nákvæmlega sjö árum síðan, þann 27. mars árið 2012. Þau Þorsteinn Sæmundsson, þingmaður Miðflokks, Brynjar Níelsson, þingmaður Sjálfstæðisflokks og Inga Sæland, formaður Flokks fólksins, gerðu sér öll mat úr því að seðlabankastjóri hafi tvívegis sagt að ekki hafi verið „rökstuddur grunur“ fyrir því að ráðast í húsleitina. Lögum samkvæmt þurfi þó að vera rökstuddur grunur um brot, sem leitt getur til ákæru, að vera til staðar til að réttlæta svo íþyngjandi aðgerð. Þeir Þorsteinn og Brynjar bentu á að aðgerðin væri sérstaklega alvarlegt inngrip í tilfelli fyrirtækja sem eru í alþjóðlegum rekstri, eins og Samherja.Frá fundi stjórnskipunar- og eftirlitsnefndar.Vísir/vilhelmMár sagði að líklega megi rekja þessar aðfinnslur þingmannanna til ónákvæms orðalags seðlabankastjóra. Ekki hafi verið nægjanlegur grunur, á þeim tíma sem ráðist var í húsleitina, til að kæra málið til lögreglu þó svo að það hafi virst stórt. Það hafi einfaldlega skort upplýsingar til að réttlæta kæru á þeim tímapunkti, ef svo hefði ekki verið hefði tæplega þurft að ráðast í húsleitina. Það sé þó engin nýlunda að sögn Más að gripið sé til slíkra íþyngjandi aðgerða án þess að það endi með ákæru. Seðlabankanum hafi auk þess borið, samkvæmt lögum, að rannsaka grun um brot á gjaldeyrislögum og fylgja þeim eftir - sem hann gerði í góðri trú.Lekar sem pirra óendanlega Fundarmönnum lék jafnframt forvitni á að vita hvernig það atvikaðist að Ríkisútvarpið var viðstatt þegar umrædd húsleit var framkvæmd hjá Samherja. Þótti það til marks um að Ríkisútvarpinu hafi verið gert viðvart fyrirfram, líklega með leka innan úr Seðlabankanum. Benti Már á að ljóst væri að Ríkisútvarpið sjálft hafi afhent bankanum upplýsingar, sem notuð voru við rannsókn málsins. Hann hafi þó ekki verið viðstaddur þá gagnaafhendingu. Hvort, og þá hvaða, samskipti áttu sér stað eftir afhendinguna séu til skoðunar innan bankans. „Ég kannast ekki við að að yfirstjórn bankans hafi heimilað afhendingu trúnaðarganga til fjölmiðilsins og ekkert liggur nú fyrir um að slíkt hafi gerst,“ sagði Már og bætti við að hann hafi beðið innri endurskoðanda um að kanna tölvupóstsamskipti sín í aðdraganda húsleitarinnar. Það hafi hann gert til að kanna hvort þar sé eitthvað að finna sem varpað geti ljósi á þetta mál. Jafnframt verði kafað í gögn gjaldeyriseftirlitsins.Þorsteinn Már Baldvinsson, forstjóri Samherja, hlýddi á svör seðlabankastjóra.Vísir/vilhelmMár sagði jafnframt mikilvægt að hafa í huga að sérstakur saksóknari hafi ráðist í húsleit í Seðlabankanum, nokkrum mánuðum fyrir húsleitina hjá Samherja. Þá hafi fjölmiðlar, jafnt innlendir sem erlendir, einnig verið viðstaddir. Skoðun á fjölmiðlaumfjöllun þess tíma leiði einnig í ljós að það hafi verið „tiltölulega algengt“ að fjölmiðlar væru viðstaddir slíkar húsleitir. Það hafi auk þess verið ómögulegt að halda slíkum húsleitum leyndum frá fjölmiðlum, ekki síst í tilfelli Samherja þar sem ráðist var í aðgerðina um „hábjartan dag.“ Már sagðist þó ekki geta svarað því hvers vegna Ríkisútvarpið virðist hafa haft forskot á aðra miðla. Hann sagðist ekki geta útilokað að upplýsingar um fyrirhugaða húsleit hjá Samherja hafi lekið innan úr Seðlabankanum. Á þeim árum sem hann hafi verið seðlabankastjóra hafi komið upp „slatti af lekum“ sem hafi „pirrað hann óendanlega.“ Vísaði hann þar til að mynda til símtals þáverandi forsætisráðherra, Geirs. H. Haarde, og Davíðs Oddssonar, þáverandi seðlabankastjóra, um neyðarlán til Kaupþings 6. október árið 2008. Það símtal hafi þó einnig verið á borði sérstaks saksóknara og því ekki útilokað að lekinn hafi komið þaðan. Erfitt sé að koma til botns í lekum sem þessum, ekki síst í ljósi þess hversu langt er liðið. „Kannski hefði átt að gera það sem FME [Fjármálaeftirlitið] gerir stundum, sem hefur oft lent í þessu. Þau vita bara að það er leki, vita ekki hvaðan hann kemur og þá kæra þau ótilgreint til lögreglu. Mér vitanlega kemur mjög lítið úr þeim málum,“ sagði Már. Alþingi Íslenska krónan Seðlabankinn Stjórnsýsla Tengdar fréttir Gríðarlegur samfélagslegur kostnaður af framgöngu Seðlabanka Seðlabankinn var engann veginn undir það búinn að framfylgja fjármagnshöfum að mati formanns Bankaráðs. 27. mars 2019 10:00 Mest lesið Stjórnarandstaðan í vasa hagsmunaaðila Viðskipti innlent Jakob Valgeir lét Guðbjart bróður sinn fara Viðskipti innlent „Ég held að þú þurfir ný gleraugu“ Viðskipti innlent Ráðinn markaðsstjóri Bónuss Viðskipti innlent Aka um Ísland í allt sumar og mynda vegakerfið í þrívídd Viðskipti innlent Af og frá að slakað sé á aðhaldi Viðskipti innlent Ráðuneytið ógilti lóðaúthlutun fyrir milljarða Viðskipti innlent Bein útsending: Rökstyðja ákvörðun sína um lækkun vaxta Viðskipti innlent Gefast upp á miðbænum: „Það er hringur eftir hring, engin bílastæði“ Viðskipti innlent Of snemmt að segja til um hvort vaxtalækkunarferlinu sé lokið í bili Viðskipti innlent Fleiri fréttir Stjórnarandstaðan í vasa hagsmunaaðila Af og frá að slakað sé á aðhaldi Ráðinn markaðsstjóri Bónuss Aka um Ísland í allt sumar og mynda vegakerfið í þrívídd Of snemmt að segja til um hvort vaxtalækkunarferlinu sé lokið í bili „Ég held að þú þurfir ný gleraugu“ Úthluta eftirstandandi hlutum í Íslandsbanka Bein útsending: Rökstyðja ákvörðun sína um lækkun vaxta Reitir fasteignafélag og HR efna til hugmyndasamkeppni fyrir nemendur Vaxtalækkunarferlið heldur áfram Birta nýja ákvörðun um stýrivexti í dag Ráðuneytið ógilti lóðaúthlutun fyrir milljarða Tólf milljarða hagnaður á fyrsta ársfjórðungi Jakob Valgeir lét Guðbjart bróður sinn fara Niðurstöður álagningar birtar á fimmtudag Gefast upp á miðbænum: „Það er hringur eftir hring, engin bílastæði“ Rökrétt að lækka lyfjaverð í Bandaríkjunum Rapyd sé íslenskt fyrirtæki með kennitölu frá 1983 Þurfi að líta ofar í tekjustigann í næstu kjarasamningum Hefja viðskipti með bréf í Alvotech í Stokkhólmi Óttast að háir vextir sogi sparnaðinn til Tenerife Ráku framkvæmdastjórann og komust svo að rafmyntagreftrinum Tilefni fyrir ríkið að íhuga sölu Landsbankans Himinlifandi og ekki hugsi yfir litlum hlut fagfjárfesta Heinemann svarar Sameyki: „Þetta er rangt“ Gömlu höfuðstöðvar Icelandair verða hjúkrunarheimili Ríflega þrjátíu þúsund einstaklingar kaupa hlut ríkisins „Þetta er framar okkar björtustu vonum“ Heildarvirði tæpur 91 milljarður og líkur á að nær allir hlutir fari til almennings Líklega stærsta eignasala ríkissjóðs frá upphafi Sjá meira
Seðlabankinn telur sig hafa ætíð farið að lögum í öllum þeim aðgerðum sem hann greip til við framfylgd gjaldeyrishafta, miðað við þær upplýsingar sem bankinn hafði á hverjum tíma. Ekki hafi hins vegar bætt úr skák að skilaboðin sem Seðlabankinn fékk um lagastoðina fyrir refsiheimildum sínum hafi stangast á í einhverjum málum. Hann hafi reglulega staldrað við þegar upp kom vafi um lögmæti aðgerða bankans og leitað lögfræðiálits á mörgum stigum mála. Þrátt fyrir að hann hafi starfað í góðri trú sé ekki útilokað að stjórnsýsla Seðlabankans hafi brugðist í einhverjum málum, t.a.m. Samherjamálinu sem var til umfjöllunar á fundi stjórnskipunar- og eftirlitsnefndar Alþingis í morgun.Rökstuddur grunur? Már Guðmundsson, seðlabankastjóri, og Rannveig Júníusdóttir, framkvæmdastjóri gjaldeyriseftirlits bankans, svöruðu þar spurningum nefndarmanna sem var tíðrætt um umdeilda húsleit í höfuðstöðvum Samherja. Leitin var unnin í samstarfi gjaldeyriseftirlits Seðlabankans og embættis sérstaks saksóknara og framkvæmd í húskynnum Samherja á Akureyri og í Reykjavík fyrir nákvæmlega sjö árum síðan, þann 27. mars árið 2012. Þau Þorsteinn Sæmundsson, þingmaður Miðflokks, Brynjar Níelsson, þingmaður Sjálfstæðisflokks og Inga Sæland, formaður Flokks fólksins, gerðu sér öll mat úr því að seðlabankastjóri hafi tvívegis sagt að ekki hafi verið „rökstuddur grunur“ fyrir því að ráðast í húsleitina. Lögum samkvæmt þurfi þó að vera rökstuddur grunur um brot, sem leitt getur til ákæru, að vera til staðar til að réttlæta svo íþyngjandi aðgerð. Þeir Þorsteinn og Brynjar bentu á að aðgerðin væri sérstaklega alvarlegt inngrip í tilfelli fyrirtækja sem eru í alþjóðlegum rekstri, eins og Samherja.Frá fundi stjórnskipunar- og eftirlitsnefndar.Vísir/vilhelmMár sagði að líklega megi rekja þessar aðfinnslur þingmannanna til ónákvæms orðalags seðlabankastjóra. Ekki hafi verið nægjanlegur grunur, á þeim tíma sem ráðist var í húsleitina, til að kæra málið til lögreglu þó svo að það hafi virst stórt. Það hafi einfaldlega skort upplýsingar til að réttlæta kæru á þeim tímapunkti, ef svo hefði ekki verið hefði tæplega þurft að ráðast í húsleitina. Það sé þó engin nýlunda að sögn Más að gripið sé til slíkra íþyngjandi aðgerða án þess að það endi með ákæru. Seðlabankanum hafi auk þess borið, samkvæmt lögum, að rannsaka grun um brot á gjaldeyrislögum og fylgja þeim eftir - sem hann gerði í góðri trú.Lekar sem pirra óendanlega Fundarmönnum lék jafnframt forvitni á að vita hvernig það atvikaðist að Ríkisútvarpið var viðstatt þegar umrædd húsleit var framkvæmd hjá Samherja. Þótti það til marks um að Ríkisútvarpinu hafi verið gert viðvart fyrirfram, líklega með leka innan úr Seðlabankanum. Benti Már á að ljóst væri að Ríkisútvarpið sjálft hafi afhent bankanum upplýsingar, sem notuð voru við rannsókn málsins. Hann hafi þó ekki verið viðstaddur þá gagnaafhendingu. Hvort, og þá hvaða, samskipti áttu sér stað eftir afhendinguna séu til skoðunar innan bankans. „Ég kannast ekki við að að yfirstjórn bankans hafi heimilað afhendingu trúnaðarganga til fjölmiðilsins og ekkert liggur nú fyrir um að slíkt hafi gerst,“ sagði Már og bætti við að hann hafi beðið innri endurskoðanda um að kanna tölvupóstsamskipti sín í aðdraganda húsleitarinnar. Það hafi hann gert til að kanna hvort þar sé eitthvað að finna sem varpað geti ljósi á þetta mál. Jafnframt verði kafað í gögn gjaldeyriseftirlitsins.Þorsteinn Már Baldvinsson, forstjóri Samherja, hlýddi á svör seðlabankastjóra.Vísir/vilhelmMár sagði jafnframt mikilvægt að hafa í huga að sérstakur saksóknari hafi ráðist í húsleit í Seðlabankanum, nokkrum mánuðum fyrir húsleitina hjá Samherja. Þá hafi fjölmiðlar, jafnt innlendir sem erlendir, einnig verið viðstaddir. Skoðun á fjölmiðlaumfjöllun þess tíma leiði einnig í ljós að það hafi verið „tiltölulega algengt“ að fjölmiðlar væru viðstaddir slíkar húsleitir. Það hafi auk þess verið ómögulegt að halda slíkum húsleitum leyndum frá fjölmiðlum, ekki síst í tilfelli Samherja þar sem ráðist var í aðgerðina um „hábjartan dag.“ Már sagðist þó ekki geta svarað því hvers vegna Ríkisútvarpið virðist hafa haft forskot á aðra miðla. Hann sagðist ekki geta útilokað að upplýsingar um fyrirhugaða húsleit hjá Samherja hafi lekið innan úr Seðlabankanum. Á þeim árum sem hann hafi verið seðlabankastjóra hafi komið upp „slatti af lekum“ sem hafi „pirrað hann óendanlega.“ Vísaði hann þar til að mynda til símtals þáverandi forsætisráðherra, Geirs. H. Haarde, og Davíðs Oddssonar, þáverandi seðlabankastjóra, um neyðarlán til Kaupþings 6. október árið 2008. Það símtal hafi þó einnig verið á borði sérstaks saksóknara og því ekki útilokað að lekinn hafi komið þaðan. Erfitt sé að koma til botns í lekum sem þessum, ekki síst í ljósi þess hversu langt er liðið. „Kannski hefði átt að gera það sem FME [Fjármálaeftirlitið] gerir stundum, sem hefur oft lent í þessu. Þau vita bara að það er leki, vita ekki hvaðan hann kemur og þá kæra þau ótilgreint til lögreglu. Mér vitanlega kemur mjög lítið úr þeim málum,“ sagði Már.
Alþingi Íslenska krónan Seðlabankinn Stjórnsýsla Tengdar fréttir Gríðarlegur samfélagslegur kostnaður af framgöngu Seðlabanka Seðlabankinn var engann veginn undir það búinn að framfylgja fjármagnshöfum að mati formanns Bankaráðs. 27. mars 2019 10:00 Mest lesið Stjórnarandstaðan í vasa hagsmunaaðila Viðskipti innlent Jakob Valgeir lét Guðbjart bróður sinn fara Viðskipti innlent „Ég held að þú þurfir ný gleraugu“ Viðskipti innlent Ráðinn markaðsstjóri Bónuss Viðskipti innlent Aka um Ísland í allt sumar og mynda vegakerfið í þrívídd Viðskipti innlent Af og frá að slakað sé á aðhaldi Viðskipti innlent Ráðuneytið ógilti lóðaúthlutun fyrir milljarða Viðskipti innlent Bein útsending: Rökstyðja ákvörðun sína um lækkun vaxta Viðskipti innlent Gefast upp á miðbænum: „Það er hringur eftir hring, engin bílastæði“ Viðskipti innlent Of snemmt að segja til um hvort vaxtalækkunarferlinu sé lokið í bili Viðskipti innlent Fleiri fréttir Stjórnarandstaðan í vasa hagsmunaaðila Af og frá að slakað sé á aðhaldi Ráðinn markaðsstjóri Bónuss Aka um Ísland í allt sumar og mynda vegakerfið í þrívídd Of snemmt að segja til um hvort vaxtalækkunarferlinu sé lokið í bili „Ég held að þú þurfir ný gleraugu“ Úthluta eftirstandandi hlutum í Íslandsbanka Bein útsending: Rökstyðja ákvörðun sína um lækkun vaxta Reitir fasteignafélag og HR efna til hugmyndasamkeppni fyrir nemendur Vaxtalækkunarferlið heldur áfram Birta nýja ákvörðun um stýrivexti í dag Ráðuneytið ógilti lóðaúthlutun fyrir milljarða Tólf milljarða hagnaður á fyrsta ársfjórðungi Jakob Valgeir lét Guðbjart bróður sinn fara Niðurstöður álagningar birtar á fimmtudag Gefast upp á miðbænum: „Það er hringur eftir hring, engin bílastæði“ Rökrétt að lækka lyfjaverð í Bandaríkjunum Rapyd sé íslenskt fyrirtæki með kennitölu frá 1983 Þurfi að líta ofar í tekjustigann í næstu kjarasamningum Hefja viðskipti með bréf í Alvotech í Stokkhólmi Óttast að háir vextir sogi sparnaðinn til Tenerife Ráku framkvæmdastjórann og komust svo að rafmyntagreftrinum Tilefni fyrir ríkið að íhuga sölu Landsbankans Himinlifandi og ekki hugsi yfir litlum hlut fagfjárfesta Heinemann svarar Sameyki: „Þetta er rangt“ Gömlu höfuðstöðvar Icelandair verða hjúkrunarheimili Ríflega þrjátíu þúsund einstaklingar kaupa hlut ríkisins „Þetta er framar okkar björtustu vonum“ Heildarvirði tæpur 91 milljarður og líkur á að nær allir hlutir fari til almennings Líklega stærsta eignasala ríkissjóðs frá upphafi Sjá meira
Gríðarlegur samfélagslegur kostnaður af framgöngu Seðlabanka Seðlabankinn var engann veginn undir það búinn að framfylgja fjármagnshöfum að mati formanns Bankaráðs. 27. mars 2019 10:00